இன்றைய நாள் எப்படி 26/05/2018

இன்று!
விளம்பி வருடம், வைகாசி மாதம் 12ம் தேதி, ரம்ஜான் 10ம் தேதி,
26.5.18 சனிக்கிழமை, வளர்பிறை, துவாதசி திதி இரவு 7:16 வரை;
அதன் பின் திரயோதசி திதி, சித்திரை நட்சத்திரம் இரவு 10:03 மணி வரை;
அதன் பின் சுவாதி நட்சத்திரம், மரண, அமிர்த யோகம்.

* நல்ல நேரம் : காலை 7:30–9:00 மணி
* ராகு காலம் : காலை 9:00–10:30 மணி
* எமகண்டம் : மதியம் 1:30–3:00 மணி
* குளிகை : காலை 6:00–7:30 மணி
* சூலம் : கிழக்கு

பரிகாரம் : தயிர்
சந்திராஷ்டமம் : உத்திரட்டாதி, ரேவதி
பொது : சனீஸ்வரர் வழிபாடு

மேஷம்: மனம், செயலில் புத்துணர்வு மேலோங்கும். தொழில், வியாபாரத்தில் ஆதாயம் அதிகரிக்கும். பூர்வீகச் சொத்து மூலம் வருமானம் கிடைக்கும். பெண்களுக்கு பொன் பொருள் சேர்க்கை உண்டாகும்.

ரிஷபம்: மனதில் மகிழ்ச்சி நிறைந்திருக்கும். நண்பரின் நற்செயலை பாராட்டி மகிழ்வீர்கள். தொழில் வியாபாரத்தில் நிலுவைப்பணி நிறைவேறும். வருமானம் படிப்படியாக உயரும். பணியாளர்களுக்கு வெகுமதி கிடைக்க வாய்ப்புண்டு.

மிதுனம்: மனதில் குழப்பமான சூழ்நிலை ஏற்படலாம். பெற்றோரின் ஆலோசனை நம்பிக்கை அளிக்கும். தொழில், வியாபாரத்தில் லாபம் சீராக இருக்கும். பணியாளர்கள் பணிச்சுமைக்கு ஆளாவர். பெண்களுக்கு உடல்நலனில் கவனம் தேவை.

கடகம்: உறவினரில் சிலர் எதிர்பார்ப்பு எண்ணத்துடன் அணுகுவர்.தொழில், வியாபாரத்தில் லாபம் சுமாராக இருக்கும். பணியாளர்கள் பணி விஷயமாக வெளியூர் செல்வர். மாணவர்கள் பாதுகாப்பு குறைவான இடங்களுக்குச் செல்ல வேண்டாம்.

சிம்மம்: எதிர்பார்த்த சுபசெய்தி தேடி வரும். தொழில், வியாபாரத்தில் வியாபாரத்தில் அபரிமிதமான வளர்ச்சி ஏற்படும். லாபம் அதிகரிக்கும். பணியாளர்களுக்கு விரும்பிய இடமாற்றம் கிடைக்கும். பெண்கள் இஷ்ட தெய்வ வழிபாட்டில் ஈடுபடுவர்.

கன்னி: மற்றவரிடம் தேவையறிந்து உதவுவீர்கள். தொழில், வியாபாரத்தில் தாராள பணவரவு கிடைக்கும். பணியாளர்கள் நிர்வாகத்தினரிடம் பரிசு, பாராட்டு பெறுவர். ஆரோக்கியம் பலம் பெறும். பெண்கள் குடும்பத்துடன் விருந்து விழாவில் பங்கேற்பர்.

துலாம்: திட்டமிட்ட பணியில் திடீர் மாற்றம் செய்ய நேரிடலாம். தொழில் வியாபாரத்தில் லாபம் அதிகரிக்கும். பணியாளர்கள் பணி விஷயமாக வெளியூர் செல்வர். வாகனத்தில் மிதவேகம் பின்பற்றவும். விஷப்பிராணிகளிடம் விலகுவது நல்லது.

விருச்சிகம்: குடும்ப பிரச்னைக்கு தீர்வு கிடைக்கும். தொழில், வியாபாரத்தில் லாபம் சீராக இருக்கும். பணியாளர்கள் சக ஊழியர்களுடன் நட்பு பாராட்டுவர். பெண்கள் ஆடை, ஆபரணம் வாங்குவர். ஆரோக்கியம் மேம்படும்.

தனுசு: வாழ்வில் இனிய அனுபவம் கிடைக்கப் பெறுவீர்கள். தொழில், வியாபாரத்தில் வியத்தகு அளவில் முன்னேற்றம் உண்டாகும். பணியாளர்கள் பரிசு, பாராட்டு பெற்று மகிழ்வர். நண்பரின் உதவி சரியான நேரத்தில் கிடைக்கும். எதிரியால் உருவான தொந்தரவு விலகும்.

மகரம்: பேச்சு, செயலில் நிதானத்தை கடைபிடிக்கவும். தொழிலில் லாபம் சுமாராக இருக்கும். பணியாளர்கள் பணிச்சுமைக்கு ஆளாக நேரிடலாம். பெண்கள் குடும்ப ஒற்றுமையைப் பேணுவது நல்லது. பிறருக்காகப் பணப்பொறுப்பு ஏற்க வேண்டாம்.

கும்பம்: பேச்சில் அன்பும், பண்பும் கலந்திருக்கும். நல்லவர்களின் அறிமுகமும், நட்பும் கிடைக்கும். தொழில் வியாபாரத்தில் திட்டமிட்ட வளர்ச்சியால் ஆதாயம் உயரும். பெண்கள் பண வசதிக்கேற்ப புத்தாடை நகை வாங்குவர்.

மீனம்: மனக்குழப்பம் நீங்கி தெளிவு பிறக்கும். தொழில் வியாபாரத்தில் மூலதனத்தை அதிகப்படுத்துவீர்கள். லாபம் சிறப்பாக இருக்கும். பணியாளர்கள் பணிச்சுமையில் இருந்து விடுபடுவர். வாகனத்தில் மிதவேகம் பின்பற்றவது நல்லது.