இன்றைய நாள் எப்படி 24/05/2018

இன்று!
விளம்பி வருடம், வைகாசி மாதம் 10ம் தேதி, ரம்ஜான் 8ம் தேதி,
24.5.18 வியாழக்கிழமை, வளர்பிறை, தசமி திதி இரவு 8:56 வரை;
அதன் பின் ஏகாதசி திதி, உத்திரம் நட்சத்திரம் இரவு 10:13 வரை;
அதன் பின் அஸ்தம் நட்சத்திரம், மரண, சித்தயோகம்.

* நல்ல நேரம் : காலை 10:30–12:00 மணி
* ராகு காலம் : மதியம் 1:30–3:00 மணி
* எமகண்டம் : காலை 6:00–7:30 மணி
* குளிகை : காலை 9:00–10:30 மணி
* சூலம் : தெற்கு

பரிகாரம் : தைலம்
சந்திராஷ்டமம் : சதயம், பூரட்டாதி
பொது : தட்சிணாமூர்த்தி வழிபாடு.

மேஷம்: இஷ்ட தெய்வ வழிபாட்டில் ஈடுபடுவீர்கள். நண்பரிடம் எதிர்பார்த்த உதவி வந்து சேரும். தொழில், வியாபாரத்தில் நல்ல முன்னேற்றம் உண்டாகும். சேமிக்கும் விதத்தில் வருமானம் வரும். பெண்கள் விருந்து விழாவில் பங்கேற்று மகிழ்வர்.

ரிஷபம்: அறிமுகம் இல்லாதவரிடம் நெருக்கம் வேண்டாம். தொழில் வியாபாரம் செழிக்க கடின உழைப்பு தேவைப்படும். லாபம் சுமாராக இருக்கும். பணியாளர்கள் பணி விஷயமாக வெளியூர் செல்வர். பெண்கள் குடும்ப நலனுக்காகப் பாடுபடுவர்.

மிதுனம்: குடும்பத்தினரிடம் விவாதம் செய்ய வேண்டாம். திட்டமிட்ட பணிகளைத் தாமதமின்றி நிறைவேற்றுவது நல்லது.தொழில் வியாபாரத்தில் லாபம் சுமாராக இருக்கும். வீடு, வாகன வகையில் மராமத்துச் செலவு உண்டாகும்.

கடகம்: இஷ்ட தெய்வ வழிபாட்டில் ஈடுபடுவீர்கள். தொழில், வியாபாரத்தில் பணவரவும் நன்மையும் அதிகரிக்கும். பணியாளர்கள் சுதந்திர உணர்வுடன் பணியாற்றுவர். ஆரோக்கியம் பலம் பெறும். பெண்களுக்கு சகோதரவழியில் உதவி கிடைக்கும்.

சிம்மம்: முக்கிய பணிகளை விரைந்து முடிப்பீர்கள். உறவினர்களின் உதவி கிடைக்கும். தொழில், வியாபாரத்தில் லாபம் அதிகரிக்கும். பணியாளர்கள் பணி விஷயமாக வெளியூர் செல்வர். பெண்கள் வீட்டு உபயோகப் பொருள் வாங்குவர்.

கன்னி: பிறர் கூறும் குறைகளை பொருட்படுத்த வேண்டாம். தொழில் வியாபாரத்தில் லாபம் சராசரி அளவில் இருக்கும். பெண்களுக்கு வீட்டுச் செலவுக்கான பணத்தேவை அதிகரிக்கும். சொத்து ஆவணம் பிறர் பொறுப்பில் தரக் கூடாது.

துலாம்: உதவி பெற்றவர் கூட நன்றி மறந்து செயல்படுவர். தொழில் வியாபாரத்தில் திடீர் பொறுப்பு அதிகரிக்கும். லாபம் சுமாராக இருக்கும். பணியாளர்கள் பணிச்சுமையைச் சந்திப்பர். பெண்கள் நகை இரவல் கொடுக்க வாங்க வேண்டாம்.

விருச்சிகம்: வளர்ச்சிக்கான வாய்ப்பு கிடைக்கப் பெறுவீர்கள். பிறர் வியக்கும் வகையில் தொழிலில் அமோக லாபம் கிடைக்கும். பணியாளர்கள் விரும்பிய இடமாற்றம் கிடைக்கப் பெறுவர். பிள்ளைகளின் செயல்பாடு பெருமையளிக்கும்.

தனுசு: திட்டமிட்ட பணி விரைவாக நிறைவேறும். தொழிலில் உருவாகிற இடையூறை முறியடிப்பீர்கள். லாபம் உயரும். பணியாளர்கள் சக ஊழியர்களின் ஆதரவு கிடைக்கப் பெறுவர். பெண்கள் மனம் போல ஆடை, ஆபரணம் வாங்குவர்.

மகரம்: நண்பரின் அன்பும், ஆதரவும் கிடைக்கும். தொழில், வியாபாரத்தில் லாபம் திருப்திகரமாக இருக்கும். பணியாளர்களுக்கு பாராட்டு, வெகுமதி கிடைக்கும். பெண்கள் புகுத்த வீட்டினரால் பெரிதும் மதிக்கப்படுவர். அரசு வகையில் நன்மை உண்டு.

கும்பம்: ஒருமுகத் தன்மையுடன் பணியில் ஈடுபடுவது அவசியம். தொழில் வியாபாரத்தில் லாபம் சுமாராக இருக்கும். பணியாளர்கள் பணிச்சமையைச் சந்தித்தாலும் வருமானம் வந்து சேரும். பெண்கள் குடும்ப நலனுக்காகப் பாடுபடுவர்.

மீனம்: இனிய பேச்சால் பிறரைக் கவர்ந்திழுப்பீர்கள். தொழில், வியாபாரத்தில் எதிர்பார்த்த லாபம் கிடைக்கும். பணியாளர்கள் பணிகளை விரைந்து முடிப்பர். பிள்ளைகளால் நன்மை உண்டாகும். பெண்கள் புத்தாடை, நகை வாங்குவர்.