விஜய்யின் அடுத்த படம் ‘கண்ணபிரான்’

நடிகர் விஜய்யை வைத்து ‘கண்ணபிரான்’ என்ற படத்தை இயக்குனர் அமீர் இயக்க இருப்பதாக செய்தி வெளியாகியுள்ளது.

நடிகர் விஜய் தற்போது ஏ.ஆர்.முருகதாஸ் இயக்கத்தில் பிஸியாக நடித்து வருகிறார். படத்துக்கு இன்னும் பெயர் வைக்கவில்லை. இருந்தாலும்இந்தப் படத்தை ‘தளபதி 62’ என்று அழைத்து வருகின்றனர்.

இந்தப் படத்தில் விஜய்க்கு ஜோடியாக இரண்டாவது முறையாகவும் கீர்த்தி சுரேஷ் நடிக்கிறார். மேலும் படத்தில் ராதாரவி, பழ.கருப்பையா, வரலட்சுமி சரத்குமார், யோகிபாபு ஆகியோர் முக்கிய வேடங்களில் நடிக்கின்றனர். படத்துக்கு, ஏ.ஆர்.ரஹ்மான் இசையமைக்கிறார். இந்தப்படத்தை சன் பிக்சர்ஸ் தயாரித்து வருகிறது.

இந்தப் படத்தை அடுத்து நடிகர் விஜய் யார் படத்தில் நடிக்கப் போகிறார் என கோடம்பாக்கத்தில் பட்டிமன்றமே நடந்து கொண்டிருக்கிறது. இந்நிலையில், விஜய்யின் 63வது படத்தை அமீர் இயக்கப் போவதாகத் தகவல் வெளியாகியுள்ளது. அமீரின் கனவுப் படமான ‘கண்ணபிரான்’படத்தில் விஜய் நடிக்கப்போவதாக கூறப்படுகிறது.