429 இடங்களில் சுற்றிவளைப்பு! 22 ஆயிரம் லீற்றர் டீசல், 27 ஆயிரம் லீற்றர் பெற்றோல், 10 ஆயிரம் லீற்றர் மண்ணெண்ணை மீட்பு, 173 பேர் கைது...

நாட்டின் பல பகுதிகளில் கடந்த சில தினங்களாக நடத்தப்பட்ட சுற்றிவளைப்பு தேடுதலின்போது சுமார் பெருமளவு எரிபொருள் மீட்கப்பட்டுள்ளதாக பொலிஸ் ஊடக பிரிவு தொிவித்துள்ளது. 

இது குறித்து ஊடக பிரிவு விடுத்துள்ள அறிக்கையில் மேலும் கூறப்பட்டுள்ளதாவது,  429 சுற்றிவளைப்பு நடவடிக்கைகளில் 173 பேர் கைது செய்யப்பட்டுள்ளனர். 

குறித்த சுற்றிவளைப்பு நடவடிக்கைகளின் போது 27,000 லீற்றர் பெற்றோல் கைப்பற்றப்பட்டுள்ளதாக பொலிஸார் தெரிவித்தனர்.

மேலும், 22,000 லீற்றர் டீசல் மற்றும் 10,000 லீற்றர் மண்ணெண்ணெயை அதிக விலையில் விற்பனை செய்துள்ளதாகவும் 

பொலிஸ் ஊடகப்பிரிவு குறிப்பிட்டுள்ளது.