கட்டுப்பாடற்ற வேகம் மின்கம்பம் மீது மோதி கவிழ்ந்த கார்..! சீன நாட்டவர் பலி, மற்றொரு சீன பெண் ஆபத்தான நிலையில்..

வேக கட்டுப்பாட்டை இழந்த கார் சமிக்ஞை கம்பம் மற்றும் மின் கம்பத்துடன் மோதி விபத்துக்குள்ளானதில் சீன நாட்டவர் ஒருவர் உயிரிழந்துள்ளதுடன், மற்றொரு சீன பெண் படுகாயமடைந்துள்ளார். 

இந்த சம்பவம் பாலாவி - கற்பிட்டி பிரதான வீதியில் குறிஞ்சிப்பிட்டி பகுதியில் நேற்று இடம்பெற்றிருக்கின்றது. 

இலங்கையில் தங்கியிருந்த சீனாவைச் சேர்ந்த 45 வயதுடைய நபர் ஒருவரே இவ்வாறு உயிரிழந்துள்ளதாக பொலிஸார் தெரிவித்தனர்.

கொழும்பில் இருந்து வியாபார நோக்கத்திற்காக புத்தளம் - கற்பிட்டி பகுதிக்கு வந்த இருவர் இந்த விபத்தில் சிக்கியுள்ளனர். 

 தந்த சீனாவைச் சேர்ந்த பெண் ஒருவர் உட்பட இருவர் பயணம் செய்த சொகுசு கார் விபத்துக்குள்ளாகியுள்ளதாக தெரிவிக்கப்படுகிறது.

விபத்தை தொடர்ந்து சொகுசு காரில் பயணம் செய்த பெண் உட்பட இருவரையும் கற்பிட்டி வைத்தியசாலையில் அனுமதிக்கப்பட்டபோதிலும், 

குறித்த வாகனத்தை செலுத்தி சென்ற சீனரான 45 வயதுடை நபர் உயிரிழந்துள்ளார் என பொலிஸார் குறிப்பிட்டனர்.

மேலும், காயமடைந்த சீன நாட்டு பெண் தொடர்ந்தும் கற்பிட்டி மாவட்ட வைத்தியசாலையில் சிகிச்சை பெற்று வருகின்றார்.