குழப்பத்தின் நடுவே நடந்த சம்பவம்..! 100 சமையல் எரிவாயு சிலின்டர்களை காணவில்லை, பொலிஸார் தீவிர விசாரணை...

கொழும்பு - ஆமர் வீதியில் இடம்பெற்ற சமையல் எரிவாயு விநியோகத்தின்போது சுமார் 100 சமையல் எரிவாயு சிலின்டர்கள் காணாமல்போயுள்ளதாக பொலிஸார் கூறியுள்ளனர். 

கொழும்பில் ஆமர் வீதியில் நேற்று பகல் எரிவாயு விநியோகம் இடம்பெற்றது. இதன்போது அங்கு எரிவாயு சிலிண்டர்களை வாங்குவதற்கு வரிசையில் காத்திருந்த மக்கள் எரிவாயு சிலிண்டர்களை பெற்றுக்கொண்டிருந்த நிலையில், 

எரிவாயு சிலிண்டர்களை ஏற்றிவந்த பாரவூர்தி மீது தாக்குதல் மேற்கொண்டதில் சுமார் 100 எரிவாயு சிலிண்டர்கள் வரை காணாமல் போயுள்ளதாக தெரிவிக்கப்பட்டுள்ளது. 

இதையடுத்து குறித்த காணாமல் போன எரிவாயு சிலிண்டர்கள் தொடர்பில் அடுத்தகட்ட விசாரணைகள் மேற்கொள்ளப்பட்டு வருவதாக பொலிஸார் தெரிவித்துள்ளனர்.