தண்டவாளத்தில் நடந்து சென்ற மாணவிகள் மீது மோதிய புகைரதம்..! மயிரிழையில் உயிர் தப்பினர், ஒருவர் படுகாயம்..

தண்டவாளத்தில் நடந்து சென்றுகொண்டிருந்த பாடசாலை மாணவிகள் இருவர் மீது புகைரதம் மோதியதில் ஒருவர் பலத்த காயமடைந்துள்ளதுடன், மற்றய மாணவி சிறு காயங்களுடன் தப்பினார். 

குறித்த சம்பவம் நேற்று காலை அம்பலாங்கொட - குலரத்ன பகுதியில் இடம்பெற்றுள்ளது. விபத்தில் காயமடைந்த மாணவி ஒருவர் பலபிட்டிய வைத்தியசாலையில் அனுமதிக்கப்பட்டுள்ளார்.

மற்றைய மாணவியும் சிறு காயங்களுக்கு உள்ளாகியுள்ளதாக தெரிவிக்கப்படுகின்றது. குறித்த மாணவிகள் இருவரும் தண்டவாளத்தில் நடந்து சென்றுள்ளனர். 

இதன்போது புகைரதம் வருவதை சடுதியாக அவதானித்து தண்டவாளத்திலிருந்து இறங்க முயற்சித்தபோதும் அவர்கள் மீது புகைரதம் மோதியுள்ளது. 

சம்பவத்தில் 17 வயதுடைய இரு மாணவிகளும் மேலதிக வகுப்பில் கலந்து கொள்வதற்காகச் சென்று கொண்டிருந்தபோதே இந்த விபத்து இடம்பெற்றுள்ளது.