9 பாடல்களுடன் காலாவின் பிரிவியூவ் ஆல்பம் வெளியீடு;வீடியோ இணைப்பு

நடிகர் ரஜினிகாந்த் நடித்து இருக்கும் காலா படத்தின் பிரிவியூவ் ஆல்பத்தை வுண்டர்பார் ஃபிலிம்ஸ் நிறுவனம் இன்று வெளியிட்டுள்ளது. இதில் 9 பாடல்கள் இடம் பெற்றுள்ளது.

நடிகர் ரஜினிகாந்த்தின் ரசிகர்கள் மட்டுமின்றி அரசியல்வாதிகளையும் உற்று நோக்க வைத்திருக்கும் படம் காலா. ரஜினிகாந்தின் நடிப்பில் அதிரடி அரசியல் வசனங்களுடன் இந்தப் படம் வரும் ஜூன் 7ஆம் தேதி திரைக்கு வரலாம் என்று எதிர்பார்க்கப்படுகிறது.

இந்தப் படத்தை ரஜினிகாந்தின் மருமகனும்இ நடிகருமான தனுஷ் தயாரித்துள்ளார். லைகா வெளியிடுகிறது. சந்தோஷ் நாராயணன் இசையமைத்துள்ளார். இயக்குனர் பா. ரஞ்சித் இயக்கியுள்ளார்.

கடந்த 2016ல் இந்தப் படம் குறித்த அறிவிப்பு வெளியானது. கடந்த ஏப்ரல் 27ஆம் தேதி வெளியாகும் என்று முதலில் அறிவிக்கப்பட்டு இருந்தது. இதற்கிடையில் டிஜிட்டல் சர்வீஸ் தொடர்பான கோலிவுட் வேலை நிறுத்தத்தால்இ புதிய திரைப்படங்கள் வெளியாகவில்லை. படப்பிடிப்புகள் ரத்து செய்யப்பட்டு இருந்தன. இந்த நிலையில் காலா படத்தின் ரிலீஸ் தேதியும் தள்ளிப் போனது. இந்தப் படம் தமிழ்இ தெலுங்குஇ மலையாளம்இ இந்தி ஆகிய மொழிகளில் வெளியாகிறது.

கடந்த வாரம் காலா படத்தின் சிங்கிள் டிராக்கான ”‘செம்ம வெயிட்டு” பாடல் வெளியாகி இருந்தது. இன்று காலா பிரிவியூவ் ஆல்பத்தை வுண்டர்பார் ஃபிலிம்ஸ் நிறுவனத்தின் உரிமையாளரும்இ நடிகருமான தனுஷ் வெளியிட்டுள்ளார். மே 9 ஆம் தேதி காலா படத்தின் பாடல் வெளியீட்டு விழா ஒய்எம்சிஏ மைதானத்தில் மிகவும் பிரம்மாண்ட முறையில் நடக்கிறது. இதற்கான ஏற்பாடுகள் நடந்து வருகிறது.

தனுஷின் வுண்டர்பார் ஃபிலிம்ஸ் தயாரித்துள்ள ‘காலா’ படத்தைஇ லைகா புரொடக்‌ஷன்ஸ் வெளியிடுகிறது. முரளி ஒளிப்பதிவு செய்யஇ ஸ்ரீகர் பிரசாத் எடிட் செய்துள்ளார். ‘கபாலி’யைத் தொடர்ந்து இந்தப் படத்துக்கும் சந்தோஷ் நாராயணன் இசையமைத்துள்ளார். படத்திற்கு யுஃஏ சான்றிதழ் கிடைத்துள்ளது.

மும்பையின் தாராவி பகுதியில் வசிக்கும் தமிழராக ரஜினி நடித்துள்ள இந்தப் படத்தில்இ நானா படேகர்இ சமுத்திரக்கனிஇ அருள்தாஸ்இ ஈஸ்வரி ராவ்இ ஹுமா குரேஷிஇ அஞ்சலி பட்டேல்இ சுகன்யாஇ அரவிந்த் ஆகாஷ்இ சாயாஜி ஷிண்டேஇ சாக்‌ஷி அகர்வால் ஆகியோர் முக்கிய வேடங்களில் நடித்துள்ளனர்.