நாடு முழுவதும் இன்று 7 மணித்தியாலங்களுக்கும் மேல் மின்வெட்டு..! பொதுப் பயன்பாடுகள் ஆணைக்குழு அறிவிப்பு...

நாடு முழுவதும் இன்றைய தினம் சுமார் 7 மணித்தியாலங்களுக்கும் மேல் மின்வெட்டு அமுல்ப்படுத்தப்படும் என பொதுப் பயன்பாடுகள் ஆணைக்குழு அறிவித்துள்ளது. 

இதன்படி, A முதல் L வரையான வலயங்களில் காலை 8 மணி முதல் மாலை 6 மணி வரை ஐந்து மணித்தியாலங்கள் மின்வெட்டும், 

மாலை 6 மணி முதல் இரவு 11 மணி வரை இரண்டு மணித்தியாலம் 30 நிமிடங்கள் வரை மின்வெட்டும் நடைமுறைப்படுத்தப்படவுள்ளது. 

அத்துடன், B தொடக்கம் W வரையான வலயங்களில் காலை 8.30 மணி முதல் மாலை 6.30 மணி வரை ஐந்து மணித்தியாலங்கள் மின்வெட்டு அமுலாகவுள்ளது. 

மாலை 6.30 மணி முதல் இரவு 11 மணி வரை இரண்டு மணித்தியாலங்கள் 15 நிமிடங்களும் மின்வெட்டும் அமுல்ப்படுத்தப்படவுள்ளது.