நாட்டின் பல்வேறு பகுதிகளில் மோட்டார் சைக்கிள் திருட்டு..! 3 பேர் கொண்ட கொள்ளை கும்பல் கைது, 8 மோட்டார் சைக்கிள்கள், பெருமளவு உதிரிபாகங்கள் மீட்பு...

நாட்டின் பல்வேறு பகுதிகளில் இடம்பெற்ற மோட்டார் சைக்கிள் திருட்டு சம்பவங்களுடன் தொடர்புடைய 3 பேர் கொண்ட கொள்ளை கும்பலை நேற்றய தினம் பொலிஸார் கைது செய்துள்ளனர். 

நிட்டம்புவ - பஸ்யாலை பிரதேசத்தில் குருநாகல் குற்றப்புலானய்வுப் பிரிவினரால் குறித்த சந்தேகநபர்கள் கைதுசெய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது. பஸ்யாலை பிரதேசத்தைச் சேர்ந்த 26, 40 மற்றும் 42 வயதான சந்தேகநபர்களே இவ்வாறு கைதுசெய்யப்பட்டுள்ளனர். 

குறித்த சந்தேகநபர்கள் மூவரையும் விசாரணைக்குட்படுத்தியதில் 8 மோட்டார்சைக்கிள்கள் மற்றும் சில மோட்டார்சைக்கிள் உதிரிப்பாகங்கள் என்பன கைப்பற்றப்பட்டுள்ளன.குறித்த சந்தேகநபர்கள் குருநாகல், வெல்லவ, பொத்துஹெர, 

நிட்டம்புவ, வெலிவேரிய, வரக்காப்பொல, ஜா-எல, வெயங்கொட மற்றும் பேலியகொடை ஆகிய பிரதேசங்களில் மோட்டார்சைக்கிள்களை கொள்ளையிட்டுள்ளதாக விசாரணைகளின் மூலம் தெரியவந்துள்ளது. மேலதிக விசாரணைகளை 

பஸ்யால பொலிஸார் முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.