தமிழ் பிக்பாஸ் படப்பிடிப்பு இன்று தொடக்கம்

பிக்பாஸ் தமிழ் நிகழ்ச்சியின் படப்பிடிப்பு இன்று முதல் ஆரம்பமாகியுள்ளதாக கூறப்படுகிறது. கடந்த ஆண்டு பிரபல தொலைக்காட்சியில் பிக்பாஸ் என்ற நிகழ்ச்சியை நடிகர் கமல்ஹாசன் தமிழில் தொகுத்து வழங்கினார். 

தொடக்கத்தில் இந்த நிகழ்ச்சி சில பிரச்னைகளை சந்தித்தாலும் பின்னர் அது மக்களிடையே நல்ல வரவேற்பைப் பெற்றது. இந்த நிகழ்ச்சியின் இறுதியில் நடிகர்கள் ஆரவ், ஹரீஷ், கணேஷ்வெங்கட்ராமன், கவிஞர் சினேகன் ஆகியோர் வெற்றி பெற்றனர்.

இந்த நிகழ்ச்சி மூலம் நடிகை ஓவியா பிரபலமானார். தற்போது படங்களில் பிஸியாக நடித்து வருகிறார் ஓவியா. இந்நிலையில் பிக்பாஸின் அடுத்த சீசன் எப்போது என பலருக்கு கேள்வி எழுப்பி வந்தனர். ‘பிக்பாஸ் 2’ நிகழ்ச்சி விரைவில் ஆரம்பமாகவுள்ளது. 

இன்று முதல் பிக்பாஸ் 2வுக்கான படப்பிடிப்பு ஆரம்பமாகியுள்ளதாக கூறப்படுகிறது. இது குறித்த அதிகாரப்பூர்வ அறிவிப்புகள் இன்னும் சில நாட்களில் வரலாம் என எதிர்பார்க்கப்படுகிறது.