ஹெரோயின் கடத்தல்காரணை சுற்றிவளைத்த பொலிஸார் மீது தாக்குதல்! பொலிஸ் அதிகாரி ஒருவர் படுகாயம், கடத்தல்காரன் கைது..

ஹெரோயின் கடதலில் ஈடுபட்ட நபரை கைது செய்ய முயற்சித்த பொலிஸார் மீது தாக்குதல் நடத்திவிட்டு தப்பி ஓடுவதற்கு முயற்சித்தவர் கைது செய்யப்பட்டுள்ளார். 

பொரளை பொலிஸ் பிரிவிற்கு உட்பட்ட மாதா பிரதான வீதியில் மேற்கொள்ளப்பட்ட சுற்றிவளைப்பில் 4 கிராம் 900 மில்லி கிராம் ஹெரோயின் போதைப்பொருளுடன் 

சந்தேகநபர் ஒருவர் கைது செய்யப்பட்டுள்ளார். இதன் போது குறித்த சந்தேகநபரை கைதுசெய்ய முற்படும் போது பொலிஸ் கொன்ஸ்தபிள் ஒருவரை ஆயுதத்தால் தாக்கியதாகவும் 

இதனால் காயமடைந்த கொன்ஸ்தபிள் கொழும்பு தேசிய வைத்தியசாலையில் அனுமதிக்கப்பட்டு சிகிச்சை பெற்று பெறுவதாகவும் பொலிசார் தெரிவித்துள்ளனர்.

சம்பவத்தின்போது கைது செய்யப்பட்டவர் 28 வயதுடைய பொரளை பிரதேசத்தை சேர்ந்தவர் ஆவார்.பொரளை பொலிசார் மேலதிக விசாரணைகளை முன்னெடுத்துள்ளனர்.