13 வயதான சிறுமியை பலாத்காரம் செய்த தாயின் காதலன் கைது..! தீவிர விசாரணையில் பொலிஸார்..

சிலாபம் பகுதியில் 13 வயதான சிறுமியை துஷ்பிரயோகம் செய்த சந்தேகநபர் ஒருவர் கைது செய்யப்பட்டிருக்கின்றார். 

27 வயதான சந்தேகநபர் ஒருவரே இவ்வாறு கைது செய்யப்பட்டுள்ளதாக பொலிஸார் தெரிவிக்கின்றனர்.பாதிக்கப்பட்ட சிறுமியின் தாயின் காதலனே இவ்வாறு கைது செய்யப்பட்டுள்ளதாக தெரிவிக்கப்படுகின்றது.

குறித்த சிறுமியின் தந்தை உயிரிழந்ததை அடுத்து, தாய், குறித்த சந்தேகநபருடன் தொடர்புகளை பேணி வந்தமை விசாரணைகளில் தெரியவந்துள்ளது.

தென்னை நார் தொழிற்சாலையொன்றிலேயே இருவரும் பணிப் புரிந்து வந்துள்ளதாக தெரிவிக்கப்படுகின்றது.

தேசிய சிறுவர் பாதுகாப்பு அதிகார சபைக்கு சம்பவம் தொடர்பில் கிடைத்த முறைப்பாட்டை அடுத்தே சந்தேகநபர் கைது செய்யப்பட்டுள்ளார்.

இந்நிலையில், குறித்த சந்தேகநபர் கடந்த ஜுலை மாதம் முதல் தன்னை தொடர்ச்சியாக சந்தேகநபர் துஷ்பிரயோகத்திற்கு உட்படுத்தியதாக 

சிறுமி பொலிஸாரிடம் வாக்குமூலம் வழங்கியுள்ளார்.பாதிக்கப்பட்டதாக கூறப்படும் சிறுமி, சிலாபம் பொதுவைத்தியசாலையில் 

பரிசோதனைகளுக்காக அனுமதிக்கப்பட்டுள்ளதாக பொலிஸார் தெரிவிக்கின்றனர்.சம்பவம் தொடர்பிலான மேலதிக விசாரணைகளை சிலாபம் பொலிஸார் மேற்கொண்டு வருகின்றனர்.