சடுதியாக புகைரத கடவைக்குள் நுழைந்த முச்சக்கர வண்டியை மோதி தள்ளிய புகைரதம்! தாய், மகன், மருமகள் உயிரிழப்பு..

புகைரத கடவையை கடக்க முயற்சித்த ஆட்டோ புகைரதம் மீது மோதி விபத்துக்குள்ளானதில் தாய், மகன், மருமகள் என ஒரே குடும்பத்தை சேர்ந்த 3 பேர் உயிரிழந்துள்ளனர். 

குறித்த சம்பவம் இன்று காலை 10.45 மணியளவில் காலி - பூஸ்ஸ பகுதியில் இடம்பெற்றுள்ளது. வவுனியா நோக்கி பயணித்த புகையிரதத்துடனேயே முச்சக்கரவண்டி மோதியுள்ளது.

சம்பவத்தில் அதே பிரதேசத்தை சேர்ந்த தாய், தந்தை, மகன் மற்றும் மருமகள் ஆகியோர் படுகாயமடைந்த நிலையில் கராப்பிட்டிய வைத்தியசாலையில் அனுமதிக்கப்பட்டனர். 

இந்நிலையில் காயமடைந்து வைத்தியசாலையில் அனுமதிக்கப்பட்ட மூவர் உயிரிழந்துள்ளதாக கராப்பிட்டிய வைத்தியசாலையின் பேச்சாளர் தெரிவித்துள்ளார்.