ஆரம்ப பிரிவு பாடசாலைகளுக்கு விடுமுறையா..? கல்வியமைச்சின் பாடசாலை விவகார மேலதிய செயலாளர் விடுத்துள்ள அறிவிப்பு..

க.பொ.த உயர்தர பரீட்சைகள் இம்மாதம் 7ம் திகதி ஆரம்பமாகவுள்ள நிலையில் ஆரம்ப பிரிவு பாடசாலைகளுக்கு விடுமுறை இல்லை. என கல்வியமைச்சு அறிவித்துள்ளது. 

இது குறித்து கல்வியமைச்சின் பாடசாலை விவகார மேலதிக செயலாளர் E.W.L.K. எகொடவெல விடுத்துள்ள அறிவிப்பில் மேலும் கூறப்பட்டிருப்பதாவது, 

உயர்தரப் பரீட்சைகள் நடைபெறும் காலத்தில் ஆரம்ப தரம் மற்றும் ஆரம்ப பாடசாலைகளுக்கு விடுமுறை வழங்கப்பட மாட்டாது எனவும், 

பரீட்சை சூழலை பேணுவதற்கு இடையூறான பாடசாலையாக இருந்தால் சம்பந்தப்பட்ட பாடசாலையின் அதிபர், வலயக் கல்விப் பணிப்பாளர்கள் ஊடாக 

மாகாண கல்விப் பணிப்பாளர்களுக்கு அறிவிக்க வேண்டும் எனவும் கல்வி அமைச்சு தெரிவித்துள்ளது.

அவ்வாறான பாடசாலைகளின் ஆரம்ப பிரிவுகளுக்கு விடுமுறை வழங்குவதற்கும், குறித்த பாடசாலைகளுக்கு உரிய பணியிடங்களை பரிந்துரைப்பதற்கும், 

கற்றல் முறைகளை மேற்கொள்வதற்கும் வலய கல்விப் பணிப்பாளர்களுக்கு அதிகாரம் வழங்கப்படுவதாகவும் அந்த அறிவிப்பில் குறிப்பிடப்பட்டுள்ளது.

பரீட்சை கடமைகளுக்காக நியமிக்கப்பட்டுள்ள ஆசிரியர்களை பணிக்கமர்த்துமாறு அனைத்து பாடசாலைகளின் அதிபர்கள், 

வலய மற்றும் மாகாண கல்விப் பணிப்பாளர்களுக்கும் கல்வி அமைச்சு பணிப்புரை விடுத்துள்ளது.