தாயாருடன் இணைந்து கணவன் மீது அசிட் வீசி, அடித்துக் கொலை செய்த பெண் கைது..!

தாயாருடன் இணைந்து கணவனை அடித்துக் கொலை செய்த பெண் ஒருவர் கைது செய்யப்பட்டுள்ளதாக பொலிஸார் கூறியிருக்கின்றனர். 

குறித்த சம்பவம் குருவிட்ட - கந்தலந்த பகுதியில் இடம்பெற்றுள்ளது. சம்பவத்தில் 35 வயதான கணவன் மீது அசிட் வீசப்பட்டுள்ளதுடன், 

தொடர்ந்து பொல்லால் தாக்குதலும் நடத்தப்பட்டுள்ளது. சம்பவத்தில் காயமடைந்த நபர் வைத்தியசாலையில் அனுமதிக்கப்பட்டிருந்தார். 

எனினும் சிகிச்சை பலனின்றி அவர் உயிரிழந்துள்ளார். சம்பவத்தையடுத்து உயிரிழந்த நபர் மீது 

தாக்குதல் நடத்திய மனைவியும் மனைவியின் தாயாரும் குருவிட்ட பொலிஸ் நிலையத்தில் சரணடைந்தாக பொலிஸார் தெரிவித்தனர்.

மரணமடைந்தவர் குடிக்கு அடிமையாகி மனைவியை அடித்துத் துன்புறுத்துபவர் எனவும் 

இவருக்கு எதிராக மனைவியால் பல முறைப்பாடுகள் பதிவு செய்யப்பட்டுள்ளதாகவும் விசாரணைகளில் இருந்து தெரியவந்துள்ளது.

சம்பவதினம் இவர் குடித்துவிட்டு மனைவியின் தம்பியின் வீட்டில் மறைந்திருந்தபோது அங்கு வந்து தாக்குதல் நடத்த முற்பட்டபோது, 

தற்பாதுகாப்புக்காக இத்தாக்குதல் இடம்பெற்றதாகவும் இவரது மனைவியும் மாமியாரும் பொலிஸ் நிலையத்தில் வாக்குமூலம் வழங்கியுள்ளனர்.

சம்பவம் தொடர்பில் மேலதிக விசாரணைகளை குருவிட்ட பொலிஸார் முன்னெடுத்து வருகின்றனர்.