காணாமல்போன 15 வயது சிறுமியை கண்டுபிடிக்க பொதுமக்களின் உதவியை நாடியுள்ள பொலிஸார்..

கடந்த 5 நாட்களாக காணாமல்போயுள்ள 15 வயதான சிறுமி ஒருவரை கண்டுபிடிக்க ஒத்துழைப்பு வழங்குமாறு பொலிஸார் பொதுமக்களின் ஒத்துழைப்பை நாடியுள்ளனர். 

மஹரகம நாவின்ன பகுதியை சேர்ந்த 15 வயதான சிறுமி ஒருவரே கடந்த 5 நாட்களாக காணாமல்போயுள்ளார். 

கடந்த வெள்ளிக்கிழமை (07) முதல் குறித்த சிறுமி காணாமல் போயுள்ளதாக தெரிவிக்கப்பட்ட முறைப்பாட்டின் அடிப்படையில் விசாரணைகள் ஆரம்பமாகியுள்ளது. 

இன்றுவரை நடத்தப்பட்ட விசாரணைகளில் சிறுமி எங்கிருக்கிறார் என்பது குறித்து எந்த தகவலும் கிடைக்கவில்லை என்று பொலிஸ் பேச்சாளர் கூறியுள்ளார். 

காணாமல்போன சிறுமி 5’3” உயரம் உடைய நேஹா கௌமதி ஹேரத் என அடையாளம் காணப்பட்டுள்ளார்.

அவர் காணாமல்போன அன்று பச்சை நிற டி-சேர்ட் மற்றும் கறுப்பு கால்சட்டை அணிந்திருந்ததாக கூறப்படுகிறது.

காணாமல்போன சிறுமி தொடர்பில் ஏதேனும் தகவல் தெரிந்தால், 071 859 1645 / 0112 850222 / 0112 850 700 என்ற தொலைபேசி இலக்கங்களுக்குத் தொடர்பு கொண்டு 

அறிவிக்குமாறும் பொலிஸார் பொது மக்களிடம் வலியுறுத்தியுள்ளனர்.