இன்றைய நாள் எப்படி 29/04/2018

இன்று!

விளம்பி வருடம், சித்திரை மாதம் 16ம் தேதி,ஷாபான் 12ம் தேதி,
29.4.18 ஞாயிற்றுக்கிழமை வளர்பிறை, சதுர்த்தசி திதி காலை 6:57 வரை
அதன் பின் பவுர்ணமி திதி, சித்திரை நட்சத்திரம் மதியம் 2:24 வரை
அதன்பின்; சுவாதி நட்சத்திரம், சித்தயோகம்.

* நல்ல நேரம் : காலை 7:30-9:00 மணி
* ராகு காலம் : மாலை 4:30-6:00 மணி
* எமகண்டம் : மதியம் 12:00-1:30 மணி
* குளிகை : மதியம் 3:00-4:30 மணி
* சூலம் : மேற்கு

பரிகாரம் : வெல்லம்
சந்திராஷ்டமம் : பூரட்டாதி,உத்திரட்டாதி
பொது :; சித்ரா பவுர்ணமி, சூரியன் வழிபாடு.

மேஷம்: நினைத்தது நிறைவேற தாமதமாகலாம. இஷ்ட தெய்வ வழிபாடு செய்வது நல்லது. நண்பரிடம் எதிர்பார்த்த உதவி கிடைக்கும். தொழில், வியாபாரத்தில் லாபம் சீராக இருக்கும். பெண்கள் சிக்கனத்தால் செலவை கட்டுப்படுத்துவர். கவனக்குறைவால் பணம், பொருள் தவற நேரிடலாம்.

ரிஷபம்: கடின உழைப்பால் லட்சியம் நிறைவேறும். பெற்றோரின் அன்பும், ஆசியும் கிடைக்கப் பெறுவீர்கள். தொழில், வியாபாரத்தில் வளர்ச்சி திருப்திகரமாகும். வருமானம் உயரும். குடும்பத்தினர் விரும்பிய பொருள் வாங்கித் தருவீர்கள்.

மிதுனம்: பேச்சில் புத்திசாலித்தனம், வசீகரம் நிறைந்திருக்கும். தொழில், வியாபரம் நல்ல வளர்ச்சி பெறும். வருமானம் திருப்திகரமாக இருக்கும். இயன்ற அளவில் அறப்பணி செய்வீர்கள். குடும்பத்தில் மகிழ்ச்சி நிறைந்திருக்கும்.

கடகம்: முக்கிய செயல் நிறைவேற கூடுதல் கவனம் தேவை. நண்பரின் ஆலோசனையை ஏற்பது நல்லது. தொழில், வியாபாரத்தில் லாபம் சுமாராக இருக்கும். நிலுவைப்பணம் வந்து சேரும். அரசியல்வாதிகள் புதிய முயற்சியில் ஈடுபட வேண்டாம்.

சிம்மம்: குடும்பத்தினர் மீது அதிருப்தி ஏற்படலாம். தொழில் வியாபாரத்தில் இருக்கும் இடையூறுகளை உடனே சரிசெய்வது நல்லது. லாபம் சுமார். திடீர் செலவால் சேமிப்பு பணம் கரையும். பெண்கள் நகை, பணம் இரவல் கொடுக்க வேண்டாம்.

கன்னி: சிரமமான பணி கூட எளிதில் நிறைவேறும். தொழில், வியாபாரத்தில் விற்பனை பெருகும். லாபம் பன்மடங்கு உயரும். குடும்பத்தினரின் தேவையறிந்து நிறைவேற்றுவீர்கள். பெண்கள் இஷ்ட தெய்வ வழிபாட்டில் ஈடுபடுவர்.

துலாம்: பிறர் நலனில் அக்கறை கொள்வீர்கள். மனதில் நிம்மதி நிலைக்கும். தொழில், வியாபார வளர்ச்சி திட்டமிட்டபடி நிறைவேறும். வருமானம் திருப்தியளிக்கும். உறவினர் வருகையால் கலகலப்பு உண்டாகும். பிள்ளைகள் நற்செயலில் ஈடுபடுவர்.

விருச்சிகம்: பிறரின் பரிகாச பேச்சை பொருட்படுத்த வேண்டாம். தொழில், வியாபாரம் சீராக கூடுதல் உழைப்பு தேவைப்படும். லாபம் சீராக இருக்கும். பணியாளர்கள் பணிச்சுமையைச் சந்திப்பர். பெண்கள் நகை, பண விஷயத்தில் விழிப்புடன் இருக்கவும்.

தனுசு: மனதில் நல்லெண்ணம் மேலோங்கும். தொழில், வியாபாரத்தில் லாபம் சீராக இருக்கும். பணியாளர்கள் நிர்வாகத்தினரின் ஆதரவுடன் முன்னேறுவர். பெண்கள் ஆடை, ஆபரணம் வாங்குவர். மாணவர்கள் சாகச விளையாட்டில் ஆர்வம் காட்டுவர்.

மகரம்: பேச்சில் தன்னம்பிக்கை வெளிப்படும். நல்லவர்களின் அறிமுகமும், நட்பும் கிடைக்கும். தொழில் வியாபாரம் செழிக்க தேவையான நவீன மாற்றம் செய்வீர்கள். லாபம் திருப்தியளிக்கும். குடும்பத்தில் மகிழ்ச்சி நிறைந்திருக்கும்.

கும்பம்: நண்பர்க்கு இயன்ற அளவில் உதவுவீர்கள். தொழிலில் குறுக்கிடும் தடைகளை சரி செய்வீர்கள். லாபம் சுமாராக இருக்கும். பெண்கள் சிக்கனம் மூலம் செலவை சமாளிப்பர். உணவ விஷயத்தில் கவனம் தேவை.

மீனம்: செயலில் நேர்மை நிறைந்திருக்கும். தொழில், வியாபாரம் வியத்தகு வளர்ச்சி பெறும். கூடுதல் லாபம் கிடைக்கும். உறவினரின் சுப நிகழ்ச்சியில் கலந்து கொள்வீர்கள். பணியாளர்களுக்கு எதிர்பார்த்த சலுகை கிடைக்கும்.