விநியோகஸ்த்தர்களை தாக்கிவிட்டு எரிவாயு சிலின்டர் திருட்டு! 3 பேர் கைது செய்யப்பட்டனர்..

லிட்றோ சமையல் எரிவாயு சிலின்டர் விநியோக வாகனத்திலிருந்தவர்களை தாக்கி 3 சிலின்டர்களை திருடிச் சென்ற குற்றச்சாட்டில் 3 நபர்களை பொலிஸார் கைது செய்துள்ளனர். 

குறித்த சம்பவம் கடந்த டிசம்பர் மாதம் 29ம் திகதி கொள்ளுப்பிட்டி - பிளவர் வீதியில் இடம்பெற்றிருக்கின்றது. கொள்ளுபிட்டி பொலிஸாரே இம் மூவரையும் நேற்று கைது செய்ததாக பொலிஸார் கூறினர். 

சமையற்காரர் ஒருவர், உணவகம் ஒன்றில் மதுபான பிரிவுக்கு பொறுப்பான ஒருவர், முச்சக்கர வண்டி சாரதி ஒருவரே இவ்வாறு கைது செய்யப்பட்டுள்ளனர். 

லிட்ரோ நிறுவனத்தின் களனி முகவருக்கு சொந்தமான லொறியூடாக கொள்ளுபிட்டி, பிளவர் வீதியிலுள்ள உணவகம் ஒன்றுக்கு சமையல் எரிவாயு சிலிண்டர்கள் கொண்டுவரப்பட்டு இறக்கப்பட்டுள்ளது. 

இந்த சந்தர்ப்பத்தின் போது முச்சக்கர வண்டியொன்றில் வந்துள்ள சந்தேக நபர்கள், லொறியின் சேவகர்களை தாக்கிவிட்டு மூன்று சிலிண்டர்களை கொள்ளையிட்டு சென்றதாக கொள்ளுபிட்டி பொலிஸாருக்கு முறையிடப்பட்டுள்ளது.

இந்நிலையிலேயே முன்னெடுக்கப்பட்ட விசரணைக்கு அமைய மூன்று சந்தேக நபர்களும் கைது செய்யப்பட்டுள்ளர்.