இன்றைய நாள் எப்படி 26/04/2018

இன்று!

விளம்பி வருடம், சித்திரை மாதம் 13ம் தேதி,ஷாபான் 9ம் தேதி,
26.4.18 வியாழக்கிழமை வளர்பிறை ஏகாதசி திதி காலை 10:03 வரை
அதன் பின் துவாதசி திதி, பூரம் நட்சத்திரம் மதியம் 2:58 வரை
அதன்பின் உத்திரம் நட்சத்திரம்,சித்த,மரணயோகம்.

* நல்ல நேரம் : காலை 10:30-12:00 மணி
* ராகு காலம் : மதியம் 1:30-3:00 மணி
* எமகண்டம் : காலை 6:00-7:30 மணி
* குளிகை : காலை 9:00-10:30 மணி
* சூலம் : தெற்கு

பரிகாரம் : தைலம்
சந்திராஷ்டமம் : திருவோணம்,அவிட்டம்
பொது : சர்வ ஏகாதசி. பெருமாள் தட்சிணாமூர்த்தி வழிபாடு.

மேஷம்: எதிர்பார்ப்பு ஓரளவு நிறைவேறும். தொழில் வளர்ச்சியால் கூடுதல் கவுரவம் பெறுவீர்கள். வருமானம் அதிகரிக்கும். பணியாளர்கள் பணியிடத்தில் செல்வாக்குடன் திகழ்வர். பெண்களுக்கு சகோதரவழியில் உதவி கிடைக்கும்.

ரிஷபம்: எதிலும் முன்யோசனை தேவை. தொழில் வியாபாரம் மந்தநிலையில் இருக்கும். லாபம் சுமார். பணியாளர்கள் விண்ணப்பி்தத கடனுதவி கிடைக்கும். பெண்கள் வீட்டு உபயோகப் பொருள் வாங்குவர். அரசு வகையில் நன்மை எதிர்பார்க்கலாம்.

மிதுனம்: பொது விஷயத்தில் கருத்து சொல்ல வேண்டாம். தொழில் வியாபாரத்தில் உருவாகிற சிக்கல்களை உடனே சரி செய்யவும். லாபம் சுமார். குடும்பத்தினரின் தேவையறிந்து நிறைவேற்றுவீர்கள். வாகன பயணத்தில் மிதவேகம் நல்லது.

கடகம்: சிலர் உங்களை குறை கூறலாம். தொழில், வியாபாரத்தில் முக்கிய பொறுப்பை பிறரிடம் ஒப்படைக்க வேண்டாம். லாபம் மிதமாக இருக்கும். அறிமுகம் இல்லாதவரிடம் நெருக்கம் வேண்டாம். பெண்கள் குடும்ப நலனுக்காக பாடுபடுவர்.

சிம்மம்: வாழ்வில் இனிய அனுபவம் உண்டாகும். தொழில், வியாபாரத்தில் கூடுதல் வளர்ச்சி ஏற்படும். உபரி வருமானம் கிடைக்கும். பெண்கள் விரும்பிய பொருள் வாங்குவர். அரசியல்வாதிகளுக்கு எதிர்பார்ப்பு நிறைவேற வாய்ப்புண்டு.

கன்னி: சகோதரவழியில் உதவி கிடைக்கும். தொழிலில் திட்டமிட்ட இலக்கு நிறைவேறும். லாபம் திருப்திகரமாக அமையும். பெண்கள் ஆன்மிக நிகழ்ச்சிகளில் விருப்பமுடன் பங்கேற்பர். ஆடை, ஆபரணம் சேரும். பிள்ளைகளால் பெருமை உண்டாகும்.

துலாம்: யாருக்கும் வாக்குறுதி தர வேண்டாம். தொழில் வியாபாரம் செழிக்க கூடுதல் உழைப்பு தேவைப்படும். லாபம் படிப்படியாக உயரும். விஷப் பிராணிகளிடம் விலகுவது நல்லது. இஷ்ட தெய்வ வழிபாடு நிம்மதிக்கு வழிவகுக்கும்.

விருச்சிகம்: உறவினர் மத்தியில் செல்வாக்கு உயரும். தொழில், வியாபாரத்தில் பொறுப்பு அதிகரிக்கும். மிதமான பணவரவு இருக்கும். உடல்நலனில் அக்கறை தேவை. பெண்கள் நகை, பணம் இரவல் கொடுக்க வாங்க வேண்டாம்.

தனுசு: முன்னர் செய்த உதவிக்கான பலன் தேடி வரும். தொழில், வியாபாரத்தில் நல்ல முன்னேற்றம் காண்பீர்கள். அதிக பணவரவுடன், நிலுவைப் பணமும் வசூலாகும். பெண்களுக்கு இஷ்ட தெய்வ வழிபாடு நிறைவேறும். குடும்பத்தினர் நலனில் அக்கறை கொள்வீர்கள்.

மகரம்: பிரச்னையை திறம்பட சமாளிப்பீர்கள். தொழில், வியாபாரத்தில் லாபம் சுமாராக இருக்கும். பணியாளர்கள் பணிச்சுமைக்கு ஆளாகலாம். பெண்களுக்கு வீட்டுச் செலவில் சிக்கனம் தேவை. வாகனத்தில் மிதவேகம் பின்பற்றவும்.

கும்பம்: முக்கிய பணி எளிதாக நிறைவேறும். தொழில், வியாபாரத்தில் நல்ல முன்னேற்றம் உண்டு. ஆதாயம் அதிகரிக்கும். பணியாளர்கள் பாராட்டு, சலுகை பெற்று மகிழ்வர். வாகனம் வாங்க யோகம் உண்டு. அரசு வகையில் நன்மையை எதிர்பார்க்கலாம்.

மீனம்: நண்பரின் ஆலோசனை தக்க சமயத்தில் உதவும். தொழில், வியாபாரத்தில் அளவான மூலதனம் போதும். லாபம் சுமாராக இருக்கும். பணியாளர்கள் பணி தவிர்த்த மற்ற விஷயத்தில் ஈடுபட வேண்டாம். உடல் நலனில் அக்கறை தேவை.