ஆடைத் தொழிற்சாலை மலசல கூடத்திற்குள்ளிருந்து சிசுவின் சடலம் மீட்பு..! 23 வயதான பெண் கைது..

ஆடைத் தொழிற்சாலை ஒன்றின் மலசல கூடத்திற்குள்ளிருந்து சிசு ஒன்றின் சடலம் மீட்கப்பட்டுள்ளதாக பொலிஸார் கூறியிருக்கின்றனர். 

குறித்த சம்பவம் பூண்டுலோயா - நியங்கந்தர பிரதேசத்தில் நேற்று இடம்பெற்றிருக்கின்றது. பொலிஸாருக்கு கிடைத்த இரகசிய தகவலுக்கு அமைய, 

ஆடைத்தொழிற்சாலையின் பின்புறத்தில் மேற்கொண்ட தேடுதல் நடவடிக்கையின்போதே குறித்த சிசுவின் சடலம் மீட்கப்பட்டுள்ளது.

இந்தச் சம்பவம் தொடர்பில் 23 வயதுடைய பெண் ஒருவர் கைதுசெய்யப்பட்டுள்ளார். இந்நிலையில், கைதான பெண் எதிர்வரும் 8 ஆம் திகதி வரை விளக்கமறியலில் வைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.