நாட்டில் சமையல் எரிவாயு சிலின்டர் வெடிப்பு சம்பவம் பதிவானது! பொதுமக்கள் அவதானமாக இருப்பது சிறந்தது..

நாட்டில் 5வது எரிவாயு சிலின்டர் வெடிப்பு சம்பவம் இன்று காலை நிக்கவரெட்டிய பிரதேசத்தில் இடம்பெற்றிருப்பதுடன், சம்பவத்தில் வீடு பலத்த சேதமடைந்துள்ளதாக பொலிஸார் கூறினர். 

வெடிப்பு சம்பவத்தின் போது தாயும் தந்தையும் வயலுக்குச் சென்றிருந்ததாகவும், மூத்த பிள்ளை பாடசாலைக்கும் இரண்டாவது பிள்ளை உறவினர் வீட்டுக்குச் சென்றிருந்தமையால் 

உயிர்ச் சேதம் ஏற்படவில்லை என்றும் பொலிஸார் தெரிவித்தனர்.சமையல் எரிவாயு சிலிண்டரின் கசிவு காரணமாக வெடித்ததா 

வேறு ஏதேனும் காரணமா என்பது குறித்து பொலிஸார் மேலும் விசாரணை நடத்தி வருகின்றனர். இந்நிலையில் பொதுமக்கள் அவதானத்துடன் இருப்பது சிறந்தது.