இலங்கையை அச்சுறுத்தும் பாடசாலை கொரோனா கொத்தணி..! 78 ஆசிரியர்களுக்கும், 148 மாணவர்களுக்கும் கொரோனா தொற்று..

தென் மாகாணத்தில் 78 ஆசிரியர்களுக்கும் 148 பாடசாலை மாணவர்களுக்கும் கொரோனா தொற்று உறுதி செய்யப்பட்டிருக்கின்றது. 

குறித்த தகவலை தென் மாகாண கல்விப் பணிப்பாளர் நிமல் திஸாநாயக்க தெரிவித்துள்ளார். ஹம்பாந்தோட்டை மற்றும் எல்பிட்டிய பிரதேசங்களிலேயே அதிகளவான மாணவர்கள் மற்றும் ஆசிரியர்கள் கொவிட் தொற்றுக்கு உள்ளாகியுள்ளனர்.

சுகாதார வழிகாட்டுதல்கள் காரணமாக எந்தவொரு பாடசாலையையும் மூட வேண்டிய அவசியமில்லை. ஆனால் விடுதி மாணவர்கள் குழுவொன்று கொவிட் தொற்றுக்குள்ளாகியுள்ளது. 

இதனால் எல்பிட்டிய பிரதேசத்திலுள்ள தனியார் பாடசாலையொன்று மாத்திரம் மூடப்பட் டுள்ளதாக அவர் தெரிவித்துள்ளார்.