நயன்தாராவுக்கும் விக்னேஷ்சுக்கும் விரைவில் டும்… டும்…

நடிகை நயன்தாராவும், இயக்குனர் விக்னேஷ் சிவனும் கடந்த இரண்டாண்டுகளாக காதலிப்பதாக செய்திகள் வெளியான நிலையில் தற்போது இருவருமே அதை உறுதிப்படுத்தியுள்ளனர். இந்நிலையில் வெகுவிரைவில் இருவரும் திருமணபந்தத்தில் இணையவுள்ளதாகச் செய்திகள் வெளியாகியுள்ளன.

தற்போது தமிழில் ஆறு படங்களைத் தன் வசம் வைத்துள்ள லேடி சூப்பர் ஸ்டார் நயன்தாரா சமீபகாலமாக மலையாளத் திரையுலகை ஆக்கிரமித்து வருகிறார்.

இந்நிலையில் வெகுவிரைவில் திருமணபந்தத்தில் இணையவுள்ள நயன் திருமணத்துக்குப் பின்னரும் கதாநாயகியாக மலையாளத் திரையுலகை ஆக்கிரமிக்க கவனம் செலுத்துகிறார் என்கிறார்கள் அவரது திரைவட்டார நண்பர்கள்.

இதேவேளை, ‘நேரம்’ புகழ் நிவின் பாலியுடன் லவ் ஆக்‌ஷன் டிராமா என்ற திரைப்படத்திலும், அதனைத் தொடர்ந்து ‘கோட்டயம் குர்பானா’ என்ற மலையாள திரைப்படத்தில் முக்கிய கதாபாத்திரத்திலும் நடிக்க ஒப்புக்கொண்டுள்ளாராம் லேடி சூப்பர் ஸ்ரார்.