இன்றைய நாள் எப்படி 18/04/2018

இன்று!

விளம்பி வருடம், சித்திரை மாதம் 5ம்தேதி, ஷாபான் 1ம் தேதி,
18.4.18 புதன்கிழமை வளர்பிறை திரிதியை திதி இரவு 3:39 வரை
அதன் பின் சதுர்த்தி திதி கார்த்திகை நட்சத்திரம் இரவு 2:21 வரை
அதன்பின்; ரோகிணி நட்சத்திரம், அமிர்த,சித்தயோகம்.

* நல்ல நேரம் : காலை 9:00-10:30 மணி
* ராகு காலம் : மதியம் 12:00-1:30 மணி
* எமகண்டம் : காலை 7:30-9:00 மணி
* குளிகை : காலை 10:30-12:00 மணி
* சூலம் : வடக்கு

பரிகாரம் : பால்
சந்திராஷ்டமம் : சித்திரை,சுவாதி
பொது : அட்சய திரிதியை குபேரலட்சுமி வழிபாடு.

மேஷம்: நண்பரின் ஆலோசனையால் நன்மை காண்பீர்கள். தொழில் வியாபாரம் வளர்ச்சி பெற புதிய வாய்ப்பு உருவாகும். லாபம் திருப்திகரமாக இருக்கும். பணியாளர்கள் விரும்பிய உணவை உண்டு மகிழ்வீர்கள். பெண்களுக்கு ஆடை, ஆபரணம் சேரும்.

ரிஷபம்: அன்பும், கருணையும் மனதில் மேலோங்கும். தொழில், வியாபார வளர்ச்சியால் லாபம் உயரும். சேமிப்பு அதிகரிக்கும். பணியாளர்கள் எதிர்பார்த்த சலுகை பெறுவர். குழந்தைகள் விரும்பிய பொருளை வாங்கித் தருவீர்கள். அரசு வகையில் நன்மையை எதிர்பார்க்கலாம்.

மிதுனம்: வீண் பேச்சுகளை தவிர்த்தல் நல்லது. தொழில் வியாபாரத்தில் கவனமாக செயலாற்றவும். லாபம் சுமாராக இருக்கும். பணியாளர்கள் சக ஊழியர்களால் பணிச்சுமைக்கு ஆளாவர். பெண்கள் உறவினர்களுடன் கருத்துவேறுபாடு கொள்வர்.

கடகம்: மனக்குழப்பம் உருவாகி மறையும். தொழில், வியாபாரத்தில் இடையூறுகளை சரி செய்வது நல்லது. பணவரவு மிதமாக இருக்கும். உடல்நலனில் கவனம் தேவை. மருத்துவ சிகிச்சை தேவைப்படலாம். வீட்டுச் செலவுக்கு கடன் வாங்க நேரிடும்.

சிம்மம்: முக்கிய செயல் தடையின்றி நிறைவேறும். தொழில் வியாபாரம் வளர்ச்சி பெற அனுகூலம் உண்டாகும். பணவரவு திருப்திகரமாகும். விரும்பிய உணவு வகைகளை உண்டு மகிழ்வீர்கள். பணியாளர்களுக்கு பதவி உயர்வு கிடைக்கும்.

கன்னி: தகுதி மீறிய செயலில் ஈடுபட வேண்டாம். தொழில் வியாபாரம் மந்தகதியில் இயங்கும். பணவரவு சுமாராக இருக்கும். பெண்கள் வீட்டு உபயோகப்பொருள் வாங்குவர். வீடு, வாகன வகையில் மருத்துவச் செலவு ஏற்படும்.

துலாம்: இஷ்ட தெய்வ அருள் நன்மைக்கு வழிவகுக்கும். தொழில் வியாபாரத்தில் அபிவிருத்திப்பணியில் ஈடுபடுவீர்கள். குடும்பத்தில் மங்கல நிகழ்வு நடத்த திட்டமிடுவீர்கள். உறவினர் வருகையால் குடும்பவாழ்வு மகிழ்ச்சி தரும்.

விருச்சிகம்: பேச்சில் நிதானம் பின்பற்றவும். தொழில், வியாபாரத்தில் சீராக கூடுதல் உழைப்பு தேவைப்படும். மிதமான பணவரவு கிடைக்கும். இயந்திரப்பிரிவு பணியாளர்கள் பாதுகாப்பில் கவனம் தேவை. பெண்களுக்கு சகோதர வழியில் உதவி கிடைக்கும்.

தனுசு: செயலில் மனஉறுதி வெளிப்படும். கூடுதல் உழைப்பால் தொழில் வியாபாரத்தில் வளர்ச்சி பெறுவீர்கள். தாராள பணவரவு இருக்கும். பணியாளர்கள் பணியிடத்தில் செல்வாக்குடன் திகழ்வர். எதிர்பார்த்த சுபசெய்தி வந்து சேரும்.

மகரம்: வியக்கும் வகையில் செயல்படுவீர்கள். தொழில், வியாபாரத்தில் சேமிக்கும் விதத்தில் லாபம் வரும். பணியாளர்கள் சக ஊழியர்களின் ஆதரவுடன் முன்னேறுவர். பெண்கள் மனம் போல ஆடை, ஆபரணம் வாங்குவர். வாகனப்பயணம் இனிமை சேர்க்கும்.

கும்பம்: நன்றியுணர்வுடன் செயல்படுவீர்கள். தொழில், வியாபாரம் சீராக கூடுதல் முயற்சி தேவைப்படும். லாபம் சுமாராக இருக்கும். பெண்கள் செலவுக்காக கடன் வாங்க நேரிடும். வாகனத்தில் மிதவேகம் பின்பற்றவும்.

மீனம்: ஒருமுகத் தன்மையுடன் செயல்படுவது அவசியம். தொழில், வியாபாரத்தில் நிலுவைப்பணி நிறைவேறும். ஆதாயம் மிதமாக இருக்கும். அறிமுகம் இல்லாதவரிடம் கவனமுடன் இருக்கவும். பெண்கள் குடும்பநலனுக்காக பாடுபடுவர்.