இன்றைய நாள் எப்படி 05/04/2018

இன்று!

ஹேவிளம்பி வருடம், பங்குனி மாதம் 22ம் தேதி,ரஜப் 17ம்தேதி,
5.4.18 வியாழக்கிழமை தேய்பிறை, பஞ்சமி திதி இரவு 8:41 வரை
அதன் பின் சஷ்டி திதி, அனுஷம் நட்சத்திரம் காலை 10:48 வரை
அதன்பின் கேட்டை நட்சத்திரம், சித்தயோகம்.

நல்ல நேரம் : காலை 10:30-12:00 மணி
ராகு காலம் : மதியம் 1:30-3:00 மணி
எமகண்டம் : காலை 6:00-7:30 மணி
குளிகை : காலை 9:00-10:30 மணி
சூலம் : தெற்கு

பரிகாரம் : தைலம்
சந்திராஷ்டமம் : அசுவினி,பரணி
பொது : தட்சிணாமூர்த்தி வழிபாடு.

மேஷம்: அவசரப்பணி ஏற்பட வாய்ப்புண்டு. அக்கம் பக்கத்தினருடன் நெருக்கம் வேண்டாம். தொழில், வியாபாரத்தில் இருக்கிற அனுகூலம் பாதுகாக்கவும்.வாகனத்தில் பராமரிப்பு செலவு ஏற்படும். இஷ்ட தெய்வ வழிபாட்டில் ஈடுபடுவது நல்லது.

ரிஷபம்: எதிர்மறையாக பேசுபவரிடம் விலகுவது நல்லது. தொழில், வியாபாரத்தில் வருமானம் சுமாராக இருக்கும். உடல் நலத்திற்கு மருத்துவ சிகிச்சை தேவைப்படும். குடும்பத்தினரின் அன்பும், ஆதரவும் கிடைக்கும்.

மிதுனம்: மனம் தெளிந்த நீரோடை போல இருக்கும். எதிலும், சமயோசிதமாக செயல்பட்டு வருவீர்கள். தொழில், வியாபாரம் செழித்து மனதில் நம்பிக்கை வளரும். வருமானம் அதிகரிக்கும். குடும்பத்தின் முக்கிய தேவையை நிறைவேற்றுவீர்கள்.

கடகம்: உங்கள் மீது பலரும் நல்லெண்ணம் கொள்வர். உற்சாகமுடன் பணியில் ஈடுபடுவீர்கள். தொழில், வியாபாரத்தில் உருவான குறுக்கீடு விலகும். ஆதாயம் உயரும். பிள்ளைகள் விரும்பிய பொருள் வாங்கித் தருவீர்கள்.

சிம்மம்: நேர்மை வழியில் நடை போடுவீர்கள். தொழில், வியாபாரத்தில் உருவாகிற குறையை சரி செய்வது நல்லது. லாபம் சுமாராக இருக்கும். பணியாளர்கள் பணிச்சுமைக்கு ஆளாவர். பெண்கள் குடும்ப நலனுக்காகப் பாடுபடுவர். நண்பர்களால் உதவி கிடைக்கும்.

கன்னி: சிலர் உங்களின் நற்செயலை பரிகாசம் செய்யலாம். தொழில், வியாபாரத்தில் போட்டி உருவாகும். லாபம் சுமார். பெண்களுக்கு தாய்வழி உறவினரால் உதவி கிடைக்கும். வாகன பயணத்தில் மிதவேகம் பின்பற்றவும்.

துலாம்: இஷ்ட தெய்வ வழிபாட்டில் ஈடுபடுவீர்கள். திட்டமிட்ட பணி எளிதாக நிறைவேறும். தொழில், வியாபாரத்தில் லாபம் அதிகரிக்கும். நிலுவைப் பணம் வசூலாகும். பெண்களுக்கு பொன் பொருள் சேரும் யோகம் உண்டு.

விருச்சிகம்: திட்டமிட்ட பணி விரைவாக நிறைவேறும். தொழில், வியாபாரத்தில் வருமானம் எதிர்பார்த்ததை விட அமோகமாக இருக்கும். உடல்நலனில் அக்கறை கொள்வீர்கள். பணியாளர்கள் சலுகை கிடைக்கும். பிள்ளைகளின் செயல்பாடு பெருமை அளிக்கும்.

தனுசு: திட்டமிட்ட பணியை எளிதாக நிறைவேற்றுவீர்கள். வாகனப் பயணத்தால் இனிய அனுபவம் காண்பீர்கள். தொழில், வியாபாரத்தில் எதிர்பார்த்ததை விட லாபம் உயரும். தாய் வழி உறவினர்கள் ஆதரவாகச் செயல்படுவர்.

மகரம்: எவரிடமும் குடும்ப பிரச்னையைப் பேச வேண்டாம். தொழிலில் விற்பனை சுமாராக இருக்கும். லாபம் மிதமாக இருக்கும். பணியாளர்கள் பணிவிஷயமாக பயணம் மேற்கொள்வர். சீரான ஓய்வு உடல் ஆரோக்கியத்தை பாதுகாக்கும்.

கும்பம்: உங்களால் பலன் பெற்று நன்றி மறந்தவரையும் மன்னிப்பீர்கள். தொழில், வியாபாரத்தில் தாராள அளவில் பணவரவு கிடைக்கும். பெண்கள் வீட்டு உபயோகப் பொருள் வாங்குவர். பூர்வீகச் சொத்து மூலம் திடீர் வருமானம் கிடைக்கும்.

மீனம்: பேச்சு, செயலில் வசீகரம் மேலோங்கும். புதிய நண்பர்களின் அறிமுகத்தால் நன்மை காண்பீர்கள். தொழில், வியாபாரத்தில் லாபம் உயரும். சேமிக்க வாய்ப்புண்டு. பணியாளர்கள் நிர்வாகத்தினரின் பரிசு, பாராட்டைப் பெறுவர்.