இன்றைய நாள் எப்படி 16/03/2018

இன்று!
ஹேவிளம்பி வருடம், பங்குனி மாதம் 2ம் தேதி, ஜமாதுல் ஆகிர் 27ம் தேதி,
16.3.2018 வெள்ளிக்கிழமை, தேய்பிறை, சதுர்த்தசி திதி, மாலை 6:50 வரை;
அதன் பின் அமாவாசை திதி, சதயம் நட்சத்திரம் இரவு 7:12 வரை;
அதன்பின் பூரட்டாதி நட்சத்திரம், சித்தயோகம்.

* நல்ல நேரம் : காலை 9:00-10:30 மணி
* ராகு காலம் : காலை 10:30-12:00 மணி
* எமகண்டம் : மதியம் 3:00-4:30 மணி
* குளிகை : காலை 7:30-9:00 மணி
* சூலம் : மேற்கு

பரிகாரம் : வெல்லம்
சந்திராஷ்டமம் : ஆயில்யம், மகம்
பொது : மகாலட்சுமி வழிபாடு.

மேஷம்: உண்மை, நேர்மையை மதித்து செயல்படுவீர்கள். கடந்த கால உழைப்புக்கேற்ற நன்மை வந்து சேரும். தொழில், வியாபாரத்தில் இருந்த இடையூறு விலகும். வருமானம் சீராகும். பெற்றோரின் தேவையை நிறைவேற்றி ஆசி பெறுவீர்கள்.

ரிஷபம்: இனிய நிகழ்வுகளால் மனதில் உற்சாகம் உண்டாகும். தொழில், வியாபாரத்தில் நிர்ணயித்த இலக்கு பூர்த்தியாகும். வருமானம் பன்மடங்கு உயரும். பணியாளர்கள் பணிச்சுமையில் இருந்து விடுபடுவர். விலகிய உறவினர் சொந்தம் பாராட்டுவர்.

மிதுனம்: உங்கள் வளர்ச்சி கண்டு சிலர் பொறாமைப்படுவர். கூடுதல் உழைப்பினால் தொழில் வியாபாரத்தில் லாபம் காண்பீர்கள். பணியாளர்கள் நிர்வாகத்தின் நன்மதிப்பை பெறுவர். பெண்கள் குடும்பச்செலவில் சிக்கனம் பின்பற்றுவர். அரசு வழியில் ஆதாயம் கிடைக்கும்.

கடகம்: நிதானமுடன் செயல்படுவது நல்லது. சகதொழில், வியாபாரம் சார்ந்த எவரிடமும் சச்சரவு தவிர்க்கவும். அளவான பணவரவு கிடைக்கும். பணியாளர்கள் பணிச்சுமையை திறம்பட சமாளிப்பர். இஷ்ட தெய்வ வழிபாட்டை மேற்கொள்ளவும்.

சிம்மம்: முயற்சிகேற்ப வாழ்வில் முன்னேற்றம் காண்பீர்கள். சமூகத்தில் உங்கள் மீதான நன்மதிப்பு உயரும். தொழில், வியாபாரத்தில் இருந்த இடையூறு விலகும். கூடுதல் பணவரவு கிடைக்கும். பிள்ளைகள் விரும்பிய பொருள் வாங்கித் தருவீர்கள்.

கன்னி: உற்சாகமுடன் பணிகளில் ஈடுபடுவீர்கள். சமூகத்தில் அந்தஸ்து உயரும். தொழில், வியாபாரத்தில் உருவாகிற புதிய வாய்ப்பு வளர்ச்சி தரும். சராசரி பணவரவுடன் நிலுவைப் பணமும் வசூலாகும். வழக்கு, விவகாரத்தில் சுமுகத் தீர்வு கிடைக்கும்.

துலாம்: நண்பரிடம் எதிர்பார்த்த உதவி கிடைக்க தாமதமாகும். தொழில், வியாபாரத்தில் முன்னேற்றம் பெற கூடுதல் உழைப்பு அவசியம். மிதமான ஆதாயம் வரும். பிள்ளைகள் வழியில் செலவு அதிகரிக்கும். வாகனத்தில் மிதவேகம் பின்பற்றவும்.

விருச்சிகம் : சொந்த நலனில் அக்கறை கொள்வீர்கள். தொழில், வியாபாரத்தில் வளர்ச்சிக்கான வாய்ப்பு கிடைக்கும். எதிர்பார்த்த பணவரவு கிடைக்கும். பெண்கள் குடும்பத்தினரின் ஆதரவை பெறுவர். உணவு ஒவ்வாமையால் அஜீரணம் ஏற்படலாம்.

தனுசு: எதிலும் முன்யோசனையுடன் செயல்படுவீர்கள். தாமதமான செயலில் முன்னேற்றம் உண்டாகும். தொழில், வியாபாரத்தில் பணவரவு அதிகரிக்கும். உறவினருக்கு உதவி செய்வீர்கள். பிள்ளைகளால் குடும்பத்தில் மகிழ்ச்சி அதிகரிக்கும்.

மகரம்: குறையை சரிசெய்வதில் அக்கறை கொள்வீர்கள். தொழிலில் கூடுதல் முயற்சி தேவைப்படும். லாபம் சுமாராக இருக்கும். பணியாளர்கள் பணிச்சுமையால் சிரமத்திற்கு ஆளாவர். உறவினர் வருகையால் செலவு அதிகரிக்கும். ஒவ்வாத உணவு உண்ண வேண்டாம்.

கும்பம்: கடந்த கால நற்செயலுக்கு உரிய பலன் தேடி வரும். அவமதித்தவர் தன் குறை உணர்ந்து அன்பு பாராட்டுவர். தொழில், வியாபார வளர்ச்சியில் புதிய சாதனை உருவாகும். ஆதாயம் கூடும். பெண்கள் வீட்டு உபயோகப் பொருள் வாங்குவர்.

மீனம்: அறிமுகம் இல்லாதவரிடம் நெருக்கம் வேண்டாம். தொழில், வியாபாரத்தில் லாபம் சீராக இருக்கும். பணியாளர்கள் பணிவிஷயமாக வெளியூர் செல்ல நேரிடும். வாகனத்தில் மிதவேகம் பின்பற்றவும். உறவினரால் உதவி கிடைக்கும்.