இந்தியாவை ஆட்டுவிக்கும் கொரோனா!! -88 இலட்சத்தை தாண்டிய தொற்று-

இந்தியாவில் தொடர்ந்து கொரோனா வைரஸ் தொற்று உச்சத் தை அடைந்து வரும் நிலையில், இன்று வெள்ளிக்கிழமை இதுவரை இல்லாத அளவுக்கு அதிகபட்சமாக தொற்று எண்ணிக்கை பதிவாகியிருக்கிறது.

இந்தியாவில் கொரோனா தொற்றால் பாதிக்கப்பட்டோர்களின் எண்ணிக்கை 88 இலட்சத்தை தாண்டியது 81.15 இலட்சம் பேர் குணமடைந்துள்ளதாக அந்நாட்டு ஊடகங்கள் தகவலை வெளியிட்டுள்ளன.

இந்தியாவில் கொரோனா வைரஸ் வேகமாகப் பரவி வருகிறது. அதே சமயம் குணமடைந்தவர்களின் எண்ணிக்கை உயர்ந்து வருவது ஆறுதல் அளிப்பதாக உள்ளது.

இந்நிலையில், இன்று வெள்ளிக்கிமை காலை மத்திய சுகாதாரத்துறை வெளியிட்ட தகவலின்படி இந்தியாவில் மொத்த எண்ணிக்கை 87 இலட்சத்து 28 ஆயிரத்து 795 பேர் கொரோனாவால் பாதிக்கப்பட்டுள்ளனர்.

81 இலட்சத்து 15 ஆயிரத்து 580 பேர் குணமடைந்துள்ளனர், 4 இலட்சத்து 84 ஆயிரத்து 547 பேர் வைத்தியசாலையில் அனுமதிக்கப்பட்டுள்ளனர்.

இதேவேளை கொரோனா வைரஸால் உயிரிழந்தோரின் மொத்த எண்ணிக்கை 1,28, 668 ஆக உயர்ந்துள்ளமை குறிப்பிடத்தக்கது.