கச்சான் தோட்டத்தில் வேலை செய்து கொண்டிருந்த கணவனும், மனைவியும் மின்னல் தாக்கி பலி..!

கச்சான் தோட்டத்தில் வேலை செய்துகொண்டிருந்தபோது மின்னல் தாக்கியதில் கணவனும், மனைவியும் உயிரிழந்த சம்பவம் அம்பாறை - திருக்கோவில் விநாயகபுரம் பகுதியில் இன்று மாலை 6 மணியளவில் இடம்பெற்றுள்ளது. 

விநாயகபுரம் தபாலக வீதியைச் சேர்ந்த லோகநாயகம் யோகேஸ்வரன் (வயது -46) அவரது மனைவி ஜெயசுதா (வயது-46) ஆகிய 3 பிள்ளைகளின் தாய், தந்தையே பரிதாபகரமாக உயிரிழந்தனர். 

தம்பதியினர் சாகாமம் கப்பித்தலாவ பகுதியிலுள்ள தமது காணியில் கச்சான் செய்கையில் ஈடுபட்டுக்கொண்டிருந்தபோது மின்னல் தாக்கியுள்ளது.

சடலங்கள் திருக்கோவில் ஆதார வைத்தியசாலையில் வைக்கப்பட்டுள்ளது.திருக்கோவில் பொலிஸார் மேலதிக விசாரணைகளை மேற்கொண்டுவருகின்றனர்.