முன்னாள் போராளி உட்பட 3 பேர் கைது..! 10 துப்பாக்கிகள் மீட்பு, தேசிய புலனாய்வு பிரிவின் இரகசிய தகவலையடுத்து கைது..

நாட்டு துப்பாக்கி தயாரித்துக் கொண்டிருந்த முன்னாள் போராளி ஒருவர் உட்பட 3 பேர் கைது செய்யப்பட்டுள்ளதுடன் 10 துப்பாக்கிகள் மீட்கப்பட்டுள்ளது.

தேசிய புலனாய்வு பிரிவானல் கைது செய்யப்பட்ட நபர்களும், துப்பாக்கிகளும் திருக்கோவில் பொலிஸாரிடம் ஒப்படைக்கப்பட்டள்ளனர். 

அம்பாறை - திருக்கோவில்   பகுதியில் அம்மன்கோயிலுக்கு முன்னால் உள்ள   லேத் மெசின் கடையில் சட்டவிரோதமாக ஆயுதங்கள் தயாரிக்கப்படுவதாக,

புலனாய்வு பிரிவினருக்கு கிடைத்த இரகசிய தகவலுக்கமைய நேற்று மாலை அவ்விடத்தை  முற்றுகை இட்ட புலனாய்வு பிரிவினர்,

துப்பாக்கி தயாரிப்பில் ஈடுபட்டு வந்த 60 வயதுடைய தம்பிலுவிலைச் சேர்ந்த ஒருவரை கைது செய்தனர். இதனையடுத்து குறித்த துப்பாக்கிக்கான

பிடியை தயாரித்து வந்த  தச்சு தொழிலாழியான தம்பிலுவிலைச் சேர்ந்த 40 வயதுடைய முன்னாள் போராளியான ஒருவரையும்  

தயாரிக்கப்படும் துப்பாக்கிகளை விற்பனை செய்து வந்த காஞ்சிரங்குடாவைச் சேர்ந்த ஒருவர் உட்பட 3 பேரை கைது செய்ததுடன் அங்கிருந்து தயாரிக்கப்பட்ட  10 துப்பாக்கிகளையும் மீட்டனர்.

மேலும்  கைது செய்யப்பட்டவர்களை திருக்கோவில் பொலிஸாரிடம் ஒப்படைக்கப்பட்டு  மேலதிக விசாரணைகளை மேற்கொண்டு வருகின்றனர்.