பொறியியலாளர் ஒருவருடை வீடு உட்பட 5 வீடுகள் உடைத்து கொள்ளை..! 3 பேர் கைது, பெருமளவு தங்க நகைகள் மீட்பு..

பொறியியலாளர் ஒருவருடைய வீடு அடங்கலாக 5 வீடுகளை உடைத்து கொள்ளையிட்ட குற்றச்சாட்டில் தேடப்பட்டுவந்த 3 பேர் நேற்று கைது செய்யப்பட்டிருக்கின்றனர்.

கைது செய்யப்பட்டவர்களிடமிருந்து சுமார் 5 லட்சத்து 50 ஆயிரம் பெறுமதியான தங்க நகைகள் உள்ளிட்ட கொள்ளையிட்ட பொருள்கள் கைப்பற்றப்பட்டுள்ளதாக பொலிஸார் தெரிவித்தனர்.

இரத்தினபுரம் பகுதியைச் சேர்ந்த சந்தேக நபர்கள் மூவரும் 20 வயதுக்குட்பட்டவர்கள் என்று பொலிஸார் தெரிவித்தனர்.

பொறியியலாளர் ஒருவரின் வீடு உள்ளிட்ட 5 இடங்களில் இடம்பெற்ற கொள்ளை மற்றும் திருட்டுச் சம்பவங்களுடன் சந்தேக நபர்களுக்கு தொடர்பு உள்ளது என்றும் பொலிஸார் கூறினர்.