சண்டியனாக மாறிய தனியார் கல்வி நிலைய ஆசிரியர்..! மாணவன் மீது மூர்க்கத்தனமான தாக்குதல், மாணவன் வைத்தியசாலையில்..

கிளிநொச்சி தர்மபுரம் - நாதன் திட்டத்தில் உள்ள தனியார் கல்வி நிலையத்தில்  ஆசிரியரின் மூர்க்கத்தனமான தாக்குதலுக்குள்ளான மாணவன் வைத்தியசாலையில் அனுமதிக்கப்பட்டுள்ளான். 

தர்மபுரம் பொலிஸ் பிரிவுக்குட்பட்ட புன்னை நீராவி நாதன் திட்டத்தில் இயங்கிவரும் தனியார் கல்வி நிலையம் ஒன்றில் கல்வி கற்கச் சென்ற மாணவன் குறிப்பிட்ட பாடம் ஒன்றில் குறைந்த புள்ளிகளை பெற்றதனால் 

அந்த மாணவனை கடுமையாக தாக்கியதாகவும் அதனால் பாதிக்கப்பட்ட மாணவன் கிளிநொச்சி தர்மபுரம் வைத்தியசாலையில் அனுமதிக்கப்பட்டு மேலதிக சிகிச்சைக்காக 

கிளிநொச்சி பொது வைத்தியசாலைக்கு கொண்டு செல்லப்பட்டுள்ளார். இச்சம்பவம் தொடர்பில் மாவட்ட சிறுவர் நன்னடத்தை அதிகாரி மற்றும் பொலிஸார் விசாரணைகளை முன்னெடுத்து வருகின்றனர்.