தோட்டத்தில் கீரை பிடுங்க சென்றிருந்த விவசாயி காட்டு யானை தாக்குதலுக்கு இலக்காகி மரணம்..!

காட்டு யானை தாக்குதலுக்கு இலக்கான விவசாயி ஒருவர் உயிரிழந்துள்ளார். நேற்று புதன் கிழமை மாலை இந்த சம்பவம் இடம்பெற்றிருக்கின்றது. 

மல்லிகைதீவு - கணபதிபுரம் பகுதியில் வசிக்கும் எஸ்.சோதிலிங்கம் (வயது 59) என்ற விவசாயியே உயிரிழந்துள்ளார். இவர் தனது மல்வத்தை கணபதிபுரம் கிராமத்திலிருந்து 

மல்லிகைத்தீவு வயல்பகுதிக்குள் பொன்னாங்கன்னி பிடுங்கிக் கொண்டிருந்த வேளையிலேயே  அவ்விடத்துக்கு வந்த காட்டு யானை தாக்கியதால் உயிரிழந்தார் என  பொலிஸார் தெரிவித்தனர்.