வவுனியா- பூவரசங்குளம் பகுதியில் இரு சொகுசு கார்களுடன் 8 பேர் கைது..!

பூவரசங்குளம் - அரபாநகர் பகுதியில் புதையல் தோண்டுவதற்கு முயற்சித்த 8 பேர் பூவரசங்குளம் பொலிஸாரினால் கைது செய்யப்பட்டிருக்கின்றனர். 

இன்றுகாலை 9.30 மணியளவில் அரபாநகர் பகுதியிலுள்ள காணியொன்றில் புதையல்தோண்டும் நடவடிக்கையில் சிலர் ஈடுபட்டு வருவதாக 

பூவரசங்குளம் பொலிசாருக்கு கிடைத்த இரகசியத்தகவலையடுத்து அப்பகுதிக்கு சென்ற பொலிஸார் 8 பேரை கைது செய்துள்ளனர். குறித்த சம்பவத்தில் கொழும்பு,

வவுனியா உட்பட பல்வேறு பகுதிகளை சேர்ந்தவர்களே கைது செய்யப்பட்டுள்ளதுடன், அவர்களிடமிருந்து நிலத்தை தோண்டுவதற்கு பயன்படும் மண்வெட்டி உட்பட சிலபொருட்களையும், 

இரண்டு சொகுசுகார்களையும் பொலிசார் கைப்பற்றியுள்ளனர்.கைதுசெய்யப்பட்டவர்களுள் ஒருவர் பொலிஸ் உத்தியோகத்தராக கடமையாற்றிவருவதாக தெரிவித்த பொலிசார்,

அவர்கள் அனைவரும் நாளைய தினம் வவுனியா நீதவான் நீதிமன்றில் முற்படுத்தப்பட்டுள்ளதாக மேலும் தெரிவித்தனர்.