இந்தியாவில் கொரோனாவின் கோரம்!! -48,661 பேருக்கு தொற்று உறுதி-

உயிர் கொல்லி கொரோனாவின் தாக்கம் இந்தியாவில் நாளுக்கு நாள் அதிகரித்து வரும் நிலையில் மேலும் 48,661 பேருக்கு கொரோனா வைரஸ் தொற்று உறுதி செய்யப்பட்டுள்ளதாக அறிவிக்கப்பட்டுள்ளது. 

குறிப்பாக இந்தியாவில் இந்த மாத தொடக்கத்தில் இருந்து கொரோனா மின்னல் வேகத்தில் பரவி வருகிறது. இந்நிலையில் மத்திய சுகாதாரத்துறை அமைச்சகம் இன்று வெளியிட்ட புள்ளிவிவர பட்டியலில்,

இந்தியாவில் கொரோனாவால் பாதிக்கப்பட்டோரின் எண்ணிக்கை 13,36,861 லிருந்து 13,85,522 ஆக உயர்ந்துள்ளது.

கொரோனாவிலிருந்து குணமடைந்தோர் எண்ணிக்கை 8,49,432 லிருந்து 8,85,577 ஆக உயர்ந்துள்ளது. கொரோனாவால் உயிரிழந்தோர் எண்ணிக்கை 31,358 லிருந்து 32,063 ஆக அதிகரித்துள்ளது.

இந்நிலையில் கடந்த 24 மணி நேரத்தில் கொரோனா பாதிப்பில் இருந்து 36,145 பேர் குணமடைந்து வைத்தியசாலைகளில் இருந்து வெளியேறியுள்ளனர்.

இந்தியாவில் 24 மணிநேரத்தில் கொரோனா பாதிப்பால் 705 பேர் உயிரிழந்துள்ளனர். அதே போன்று 48,661 பேருக்கு புதிதாக கொரோனா தொற்று உள்ளமை கண்டறியப்பட்டுள்ளது. நாடு முழுவதும் 4.67 இலட்சம் பேர் கொரோனா பாதிப்புடன் சிகிச்சை பெற்று வருகின்றனர்.

மேலும் இந்தியாவில் கொரோனா பாதித்தவர்களின் எண்ணிக்கை 14 இலட்சத்தை நெருங்கி உள்ளது.