ஊருக்குள் புகுந்து மக்களை அச்சுறுத்தி, கால்நடைகளை வேட்டையாடிய முதலை மடக்கி பிடிக்கப்பட்டது..!

ஊருக்குள் புகுந்து மக்களை அச்சுறுத்திவந்த முதலை வன ஜீவராசிகள் திணைக்களத்தினால் பிடிக்கப்பட்டு வேறு இடத்திற்கு கொண்டு செல்லப்பட்டுள்ளது. 

கிளிநொச்சி பூநகரி பிரதேசத்தில் மட்டுவில்நாடு மேற்கில் உள்ள மகிலங்கட்டு குளத்தில் குறித்த முதலை அச்சுறுத்தலாக காணப்பட்டுள்ளது.

குளத்திற்கு செல்லும் காலநடைகளை வேட்டையாடி வந்ததுடன் மக்களையும் அச்சுறுத்தி வந்துள்ளது. இந்த நிலையில் குறித்த முதலையானது பொது மக்கள் 

மற்றும் வனவள திணைக்கள அதிகரிகளின் உதவியுடன் வனஜீவராசிகள் திணைக்களத்தினரால் நேற்று புதன்கிழமை பிடிக்கப்பட்டுள்ளது. 

பிடிபட்ட முதலையை பாதுகாப்பாக அச்சுறுத்தலற்ற பகுதியில் விடுவித்துள்ளதாக வன ஜீவராசிகள் திணைக்கள அதிகாரிகள் தெரிவிக்கின்றனர்.