இந்தியாவில் ஒரு நாளில் 17,296 பேருக்கு கொரோனா!! -5 இலட்சத்தை நெருங்கும் தொற்றாளர்கள்-

இந்தியாவில் ஒரே நாளில் 17,296 பேருக்கு கொரோனா வைரஸ் பாதிப்பு ஏற்பட்டு உள்ளதை அடுத்து கொரோனாவின் மொத்த பாதிப்பு 5 இலட்சத்தை நெருங்குகிறது.

இதுவரை இல்லாத வகையில் இந்தியாவில் கடந்த 24 மணி நேரத்தில் 17,296 பேருக்கு கொரோனா தொற்று ஏற்பட்டு உள்ளது. 407 பேர் உயிரிழந்து உள்ளனர்.

மொத்த பாதிப்பு - 4,90,401 ஆக உயர்ந்து 5 இலட்சத்தை நெருங்கி உள்ளது. குணமடைந்தவர்கள் - 2,85,636 பேர், மொத்த உயிரிழப்பு 15,301 ஆகும் என கூறப்பட்டு உள்ளது.

இந்தியாவில் ஒரு லட்சம் மக்கள் தொகைக்கு கொரோனா பாதிப்பு 33.39 ஆக உள்ளது.  தற்போது உலகில் சராசரி இலட்சம் மக்கள் தொகைக்கு  120.21 பாதிப்புகள் உள்ளன.

நாட்டில் ஒரு இலட்சம் மக்கள்தொகைக்கு இறப்புகள் 1.06 ஆக உள்ளது. இது உலக சராசரியான இறப்புகள் 6.24 விட மிகக்குறைவு ஆகும் என மத்திய அரசு தெரிவித்து உள்ளது.