இந்தியாவின் நிலை மோசமடைகிறது!! -ஒரே நாளில் 11,502 பேருக்கு தொற்று-

இந்தியாவில் கொரோனா வைரஸ் பரவல் நாளுக்கு நாள் அதிகரித்து வரும் நிலையில் மீண்டும் ஒரே நாளில் 11 ஆயிரத்து 502 பேருக்கு தொற்று ஏற்பட்டுள்ளதாக இந்திய மத்திய சுகாதாரத்துறை தெரிவித்துள்ளது.

இதையடுத்து இந்தியளவில் மொத்த தொற்று எண்ணிக்கை 3 இலட்சத்து 32 ஆயிரது 424 ஆக அதிகரித்துள்ளது.

கடந்த 24 மணிநேரத்தில் 325 பேர் உயிரிழந்துள்ள நிலையில் மொத்த உயிரிழப்பு 9 ஆயிரத்து 520 ஆக உயர்வடைந்துள்ளது.

இதுவரை ஒரு இலட்சத்து 69 ஆயிரத்து 798 பேர் கொரோனா பாதிப்பில் இருந்து குணமடைந்துள்ளனர். நேற்று மட்டும் 7419 பேர் குணமடைந்துள்ளதை அடுத்து நாடு முழுவதிலும் உள்ள பல்வேறு மருத்துவமனைகளில் ஒரு இலட்சத்து 53 ஆயிரத்து 106 பேர் சிகிச்சை பெற்றுவருகின்றனர்.

அதிகபட்சமாக மகாராஷ்டிராவில் ஒரு இலட்சத்து 7 ஆயிரத்து 958 பேருக்கு தொற்று உறுதி செய்யப்பட்டுள்ளது. தமிழ்நாட்டில் 44 ஆயிரத்து 661 பேருக்கும், டெல்லியில் 41 ஆயிரத்து 182 பேருக்கும், குஜராத்தில் 23 ஆயிரத்து 544 பேருக்கும் கொரோனா தொற்று உறுதி செய்யப்பட்டுள்ளது.