வாள்களுடன் வீட்டுக்குள் நுழைந்த ரவுடிகள் சரமாரி வாள்வெட்டு..! பெண் உட்பட 5 பேர் படுகாயம்..

வீடொன்றுக்குள் வாள்களுடன் நுழைந்த ரவுடி கும்பல் நடாத்திய தாக்குதலில் வீட்டிலிருந்த 5 பேர் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளனர். 

இந்த சம்பவம் நேற்றிரவு 7.30 மணியளவில் வவுனியா- மகாறம்பைக்குளம் பகுதியில் இடம்பெற்றிருக்கின்றது. அப்பகுதியில் உள்ள வீடொன்றிற்குள் உள்நுழைந்த சிலர் 

அங்கிருந்தவர்களை வாளால் வெட்டியதுடன், வீட்டில் நிறுத்திவைக்கப்பட்டிருந்த மோட்டார் சைக்கிள்களையும் தாக்கிச் சேதப்படுத்திவிட்டு தப்பிச் சென்றுள்ளனர். 

இந்தச் சம்பவத்தில் பெண் உட்பட ஜந்துபேர் காயமடைந்த நிலையில் நோயாளர் காவு வண்டி மூலம் வவுனியா வைத்தியசாலையில் அனுமதிக்கப்பட்டனர். 

சம்பவம் தொடர்பாக வவுனியா பொலிஸாருக்கு தெரியப்படுத்தப்பட்ட நிலையில் அவர்கள் விசாரணைகளை முன்னெடுத்து வருவதுடன் சந்தேகத்தின் அடிப்படையில் இருவரை கைது செய்துள்ளனர் எனத் தெரிவித்தனர்.