கொரோனா பாதிப்பு!! -4 ஆவது இடத்தில் இந்தியா-

கொரோனா வைரஸ் தொற்றால் அவதியுறும் உலக நாடுகளில் வரிசையில் இந்தியா 4 ஆவது இடத்திற்கு முன்னெறியுள்ளது என்று அறிவிக்கப்பட்டுள்ளது. 

நாடு முழுவதும் தற்போதைய நிலவரப்படி 2,93,754 பேர் தொற்றால் பாதிக்கப்பட்டுள்ளதாக தகவல்கள் தெரிவிக்கின்றன. இதற்கு முன் இங்கிலாந்து 2,91,588 தொற்று நோயாளிகளுடன் நான்காவது இடத்தில் இருந்தது என்பது குறிப்பிடத்தக்கது. இந்நிலையில் தற்போது இந்தியா, அமெரிக்கா, பிரேசில் மற்றும் ரஸ்யாவுக்கு அடுத்த நிலையில் உள்ளது.

மே 24  அன்று  இந்தியா பட்டியலில் 10  இடத்தில் இருந்தது கொரோனா வைரஸ் எண்ணிக்கை அதிவேகமாக அதிகரித்து வருகிறது. நான்காவது இடத்தை அடைய 18 நாட்கள் மட்டுமே ஆகி உள்ளது.

ஜூன் 1 முதல் ஊரடங்கு தளர்வு அறிவிக்கப்பட்டவுடன் கொரோனா தொற்று அதிகரிக்க தொடங்கி உள்ளது.கடந்த 10 நாட்களும் தொடர்ச்சியாக ஒவ்வொரு நாளும் 9 ஆயிரத்திற்கும் மேற்பட்ட பாதிப்புகள் ஏற்பட்டு உள்ளன.

ரஸ்யாவில் தற்போது 4.93 லட்சம் மக்கள் கொரோனா தொற்றால் பாதிக்கப்பட்டுள்ளனர். பிரேசிலில் இந்த எண்ணிக்கையானது 7.72 லட்சமாக உள்ளது.