இந்தியாவில் கொரோனா உச்சம்!! -ஒரு நாளில் 9 ஆயிரம் பேருக்கு தொற்று-

இந்தியாவில் கொரோனா உச்சம் தொட்டுள்ள நிலையில் ஒரு நாளில் மட்டும் 9304 பேருக்கு கொரோனா தொற்றுக்கு உள்ளாகியுள்ளனர் என்று தெரிவிக்கப்பட்டுள்ளது. 

இன்று வியாழக்கிழமை நிலவரப்படி சுகாதாரத்துறை அமைச்சகம் வெளியிட்டு உள்ள தகவலில் இந்தியாவின் கொரோனா பாதிப்பு எண்ணிக்கை 2,16,919ஆக உயர்ந்து உள்ளது. பலியானோர் மொத்த எண்ணிக்கை 6,075 ஆக உள்ளது.

கொரோனா பாதிக்கப்பட்டு சிகிச்சை பெற்று வருவோர் எண்ணிக்கை 1,06,737 ஆக உள்ளது குணமடைந்தோர் எண்ணிக்கை 1,04,107 ஆக உள்ளது என கூறப்பட்டு உள்ளது.

நாட்டில் கொரோனா  நோயை வெற்றிகரமாக எதிர்த்துப் போராடி மீண்ட நோயாளிகளின் எண்ணிக்கை - இன்று காலை 47.99 சதவீதமாக இருந்தது. 1,04,107 பேர் குணமடைந்துள்ளதாக சுகாதார அமைச்சகம் தெரிவித்துள்ளது.