வாள்வெட்டு குழு ரவுடிகள் சரமாரி வாள்வெட்டு..! இருவர் படுகாயம், 1 மணித்தியாலம் தங்கி நின்று சிறுவர்கள், பெண்கள் மீதும் தாக்குதல்..

கிளிநொச்சி- செல்வாநகரில் வாய்த்தர்க்கம் மோதலாக மாறிய நிலையில் வாள்வெட்டு குழு ரவுடிகள் வரவழைக்கப்பட்டு இருவர் மீது சரமாரியாக வாள்வெட்டுத் தாக்குதல் நடாத்தப்பட்டிருக்கின்றது. 

இந்த சம்பவம் கடந்த வியாழக்கிழமை மாலை 6.20 க்கு வந்தவர்கள் 7.15 வரை அந்தப் பகுதியை தங்களது கட்டுப்பாட்டில் வைத்திருந்ததாக பாதிக்கப்பட்டவர்கள் தெரிவிக்கின்றனர். அத்தோடு வீடுகளில் இருந்து பெண்கள், சிறுவர்கள்

அனைவரும் வயல்களுக்கு தப்பி ஓடிவிட்டதாகவும் இல்லையெனில் அவர்களும் வாள் வெட்டுக்கு உள்ளாகியிருப்பார்கள் என்றும் பாதிக்கப்பட்ட நபர்கள் தெரிவித்தனர். வாள் வெட்டுக்கு இலக்கானவர் 

உடனடியாக அவசர நோயாளர் காவு வண்டி மூலம் கிளிநொச்சி மாவட்ட வைத்தியசாலைக்கு அனுப்பி வைக்கப்பட்டுள்ளனர். சம்பவம் குறித்து வைத்தியசாலை பொலீஸார் ஊடாக வாக்குமூலத்தை பதிவு செய்து 

கிளிநொச்சி பொலீஸ் நிலையத்திற்கு வழங்கியதனை தொடர்ந்து கிளிநொச்சி பொலீஸார் விசாரணைகளை மேற்கொண்டுவருகின்றனர். இதுவரையும் ஒருவர் கைது செய்யப்பட்டுள்ளார்.