சீனாவை முந்தியது இந்தியா!! -85940 பேருக்கு கொரோனா தொற்று-

கொரோனா வைரஸ் பாதிப்பு சீனாவை விட இந்தியாவில் அதிகரித்து வருகின்ற நிலையில் வைரஸ் தொற்று உறுதி செய்யப்பட்டவர்களின் எண்ணிக்கை 86 ஆயிரத்தை நெருங்கி உள்ளது. 

மத்திய சுகாதாரத்துறை இன்று வெளியிட்டுள்ள தகவலின்படி, இந்தியாவில் மொத்தம்  85940  பேர் கொரோனாவால் பாதிக்கப்பட்டுள்ளனர். கொரோனா வைரசால் உயிரிழந்தோர் எண்ணிக்கை 2752 ஆக உயர்ந்துள்ளது. இதுவரை 30153 பேர் கொரோனா பாதிப்பில் இருந்து மீண்டுள்ளனர். 

இதன்மூலம் கொரோனா பாதிப்பில் சீனாவை இந்தியா முந்தியதுடன், உலக அளவில் 11வது இடத்திற்கு சென்றுள்ளது. 

கொரோனா வைரஸ் வெளிப்பட்ட சீனாவில் இதுவரை 82941 பேர் கொரோனாவால் பாதிக்கப்பட்டுள்ளனர். 4633 பேர் உயிரிழந்துள்ளனர் என்பது குறிப்பிடத்தக்கது.