இந்தியாவில் 20 ஆயிரம் பேரை தாக்கிய கொரோனா!! -பலி எண்ணிக்கை 640 ஆக உயர்வு-

இந்தியாவில் கொரோனா வைரஸ் தொற்றுக்குள்ளானவர்களின் 20 ஆயிரத்தை நெருங்கி உள்ளது. மேலும் கொரோனாவால் பலியானோர் எண்ணிக்கை 640 ஆக உயர்ந்துள்ளது.

மத்திய சுகாதாரத்துறை இன்று வெளியிட்டுள்ள தகவலின்படி, இந்தியாவில் கொரோனா தொற்று உறுதி செய்யப்பட்டவர்களின் எண்ணிக்கை 19,984 ஆக உயர்ந்துள்ளது. 

கடந்த 24 மணி நேரத்தில் மட்டும் 1383 பேருக்கு நோய்த்தொற்று உறுதி செய்யப்பட்டுள்ளது. 50 பேர் மரணம் அடைந்துள்ளனர். இதன்மூலம் கொரோனா வைரசால் உயிரிழந்தோர் எண்ணிக்கை 640 ஆக உயர்ந்துள்ளது. இதுவரை 3870  பேர் குணமடைந்துள்ளனர். 

மகாராஷ்டிர மாநிலத்தில் அதிக அளவாக 5218 பேருக்கு கொரோனா தொற்று உறுதி செய்யப்பட்டுள்ளது. 251 பேர் உயிரிழந்துள்ளனர். 

தலைநகர் டெல்லியில் 2156 பேருக்கு நோய்த்தொற்று உறுதி செய்யப்பட்டுள்ளது. 47  பேர் உயிரிழந்துள்ளனர். தமிழகத்தில் 1596 பேருக்கு கொரோனா தொற்று உறுதி செய்யப்பட்டுள்ள நிலையில், 18 பேர் உயிரிழந்துள்ளனர்.