மீன் பிடித்துக் கொண்டிருந்தபோது நீரில் மூழ்கிய குடும்பஸ்த்தர்..! மக்கள் காப்பாற்ற போராடியும் பயனில்லை, வவுனியாவில் சம்பவம்..

மீன்பிடிக்க சென்ற குடும்பஸ்த்தர் ஒருவர் நீரில் மூழ்கிய நிலையில், மக்களால் மீட்கப்பட்டு வை த்தியசாலையில் அனுமதிக்கப்பட்டபோதும் சிகிச்சை பலனின்றி உயிரிழந்துள்ளார். 

இந்த சம்பவம் வவுனியா மயிலங்குளம் பகுதியில் இடம்பெற்றுள்ளது. சம்பவத்தில் ஆசிக்குளம் பகுதியை சேர்ந்த 43 வயதான குடும்பஸ்த்தரே உயிரிழந்துள்ளார். 

இன்று காலை மீன்பிடிக்கச் சென்ற அவர் நீரில் மூழ்கியபோது அவதானித்த அங்கிருந்தவர்கள் அவரை மீட்டு நோயாளர் காவு வண்டி மூலம் வைத்தியசாலைக்கு அனுப்பியிருக்கின்றனர். 

இருப்பினும் வைத்தியசாலையில் பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக தெரிவித்துள்ளனர்.