இந்தியாவில் கொரோனா!! -81 பேரை தாக்கியது-

இந்தியாவில் உயிர் கொல்லி கொரோனா வைரஸால் பாதிக்கப்பட்டவர்களின் எண்ணிக்கை 81 ஆக அதிகரிக்கப்பட்டுள்ளதாக தகவல் வெளியிடப்பட்டுள்ளது. 

கொரோனா வைரஸ் உலகம் முழுவதும் வேகமாக பரவி வருகிறது. சீனாவில் இருந்து பரவத் தொடங்கிய இந்த கொடிய வைரஸ் உலகம் முழுவதும் உயிர்பலி வாங்கி வருகிறது

உலகையே அச்சுறுத்தி வரும் கொரோனா வைரஸ் தாக்குதலுக்கு நேற்று ஒரே நாளில் 351 பேர் உயிரிழந்தனர். இதையடுத்து உலக அளவில் கொரோனாவுக்கு பலியானவர்களின் எண்ணிக்கை 5080 ஆக உயர்ந்து உள்ளது . 

உலகம் முழுவதும் 127 நாடுகள் கொரோனா வைரஸால்  பாதிக்கப்பட்டு உள்ளன.  உலகம் முழுவதும் 1 லட்சத்து 37 ஆயிரத்து 702 பேர் பாதிக்கப்பட்டு உள்ளனர். 

ஈரானில் கொரோனா வைரஸால் மேலும் 85 பேர் உயிரிழந்து உள்ளனர்.  பலி எண்ணிக்கை 514 ஆக அதிகரித்து உள்ளது.

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை  81 ஆக அதிகரித்து உள்ளது. 64 இந்தியர்கள், 16 இத்தாலியர்கள், கனடாவை சேர்ந்த ஒருவர் என 81 பேர் பாதிக்கப்பட்டு உள்ளனர் என மத்திய சுகாதாரத்துறை அறிவித்து உள்ளது.

மராட்டிய மாநிலம், புனே நகரில் மேலும் ஒருவருக்கு கொரோனா வைரஸ் உறுதி செய்யப்பட்டுள்ளது. புனே நகரில் மட்டும் கொரோனாவால் பாதிக்கப்பட்டோரின் எண்ணிக்கை 10 ஆக உயர்ந்து உள்ளது.