கார் கவிழ்ந்து கோர விபத்து!! -10 பேர் பலி-

கர்நாடகாவின் தும்கூர் பகுதயில் இன்று அதிகாலை கார் கவிழ்ந்து விபத்துக்குள்ளானதில் தமிழகத்தைச் சேர்ந்த 10 பேர் பலியாகினர்.

கர்நாடக மாநிலம் தும்கூர் அருகே குனிகல் என்ற இடத்தில் வந்துகொண்டிருந்த கார் திடீரென கட்டுப்பாட்டை இழந்து சாலையோரம் கவிழ்ந்து விபத்துக்குள்ளானது. 

இதில் காருக்குள் இருந்த 10 பேரும் சம்பவ இடத்திலேயே பலியாகினர். இந்த காருக்கு பின்னால் வந்த மற்றொரு காரும் விபத்துக்குள்ளானது. இதில், பெங்களூருவைச் சேர்ந்த 2 பேர் உயிரிழந்தனர்.

விபத்து குறித்து தகவல் அறிந்த போலீசார் சம்பவ இடத்திற்கு வந்து, காருக்குள் சிக்கியிருந்த சடலங்களை மீட்டு பிரேத பரிசோதனைக்கு அனுப்பி வைத்தனர். மேலும் விபத்து குறித்து வழக்குப்பதிவு செய்து விசாரணை நடத்தினர்.

விசாரணையில், கார் விபத்தில் இறந்த 10 பேரும் தமிழகத்தைச் சேர்ந்தவர்கள் என்பது தெரியவந்தது. ஓசூர் அருகே உள்ள சீக்கணப்பள்ளி கிராமத்தைச் சேர்ந்த அவர்கள், கர்நாடக மாநிலத்தில் உள்ள தர்மஸ்தாலா கோவிலுக்கு சென்று சாமி தரிசனம் செய்துவிட்டு திரும்பும்போது விபத்தில் சிக்கி உள்ளனர்.