கிளி- தரும்புரம் பகுதியில் அதிரடிப்படை அதிரடி சுற்றிவளைப்பு..! இராணுவ அதிகாரிகள் 3 பேர் மற்றும் பொதுமக்கள் சிலர் கைது..

கிளிநொச்சி- தரும்புரம் பகுதியில் விசேட அதிரடிப் படையினர் நடாத்திய அதிரடி சுற்றிவளைப்பு தேடு தலின்போது புதையல் தோண்டிய இராணுவ அதி காரிகள் உட்பட சிலர் கைது செய்யப்பட்டுள்ளனர்.

இந்த சம்பவம் இன்று அதிகாலை இடம்பெற்றுள்ளது. விசேட அதிரடிப்படையினருக்கு கிடைத்த இரகசிய தகவலையடுத்து இன்று அதிகாலை குறித்த பகுதியில் பாரிய சுற்றிவளைப்பு நடத்தப்பட்டது.

இதன்போது இராணுவ அதிகாரிகள் 3 பேர் மற்றும் சில பொதுமக்கள் கைது செய்யப்பட்டுள்ளனர். இவர்கள் தமிழீழ விடுதலை புலிகளின் புதையலை தோண்டியுள்ளனர்.

கைது செய்யப்பட்டவர்கள் தர்ம்புரம் பொலிஸ் நிலையத்தில் ஒப்படைக்கப்பட்டுள்ளனர். மேலும் குறித்த சம்பவம் தொடர்பில் தொடர் விசாரணை இடம்பெற்று வருகிறது.