பாடசாலை விளையாட்டு போட்டி முடித்து வீடு திரும்பிக் கொண்டிருந்த மாணவன் பேருந்து சில்லுக்குள் தவறி விழுந்து பலி..!

பாடசாலை விளையாட்டு போட்டிக்கு சென்றுவிட்டு வீடு திரும்பிக் கொண்டிருந்த மாணவன் இ.போ.ச பேருந்து சில்லுக்குள் தவறி விழுந்து உயிரிழந்து ள்ளான்.

இந்த சம்பவம் இன்று மாலை விளக்குவைத்தகுளம் பகுதியில் இடம்பெற்றுள்ளது. சம்பவத்தில் விளக்குவைத்தகுளத்தைச் சேர்ந்த

20 வயதுடைய எஸ்.பானுஜன் என்ற ஓமந்தை மத்தியகல்லூரியின் கலைப்பிரிவு  மாணவனே உயிரிழந்தார்.

பாடசாலை இல்ல விளையாட்டுப்போட்டியில் பங்குபற்றிவிட்டு வீடு சென்ற சமயம் குறித்த விபத்து இடம் பெற்றுள்ளது.

மாணவனின் சடலம் மீட்கப்பட்டு வவுனியா வைத்தியாலையில் ஒப்படைக்கப்பட்டுள்ளது,

விபத்து குறித்து விசாரணைகளை ஓமந்தைப் பொலிஸார் மேற்கொண்டு வருகின்றனர்.