மீள்குடியேற்றம், காணாமல் ஆக்கப்பட்டோா் விடயம் உள்ளிட்ட பல்வேறு பிரச்சினைகளுக்கான தீா்வு திட்டங்களுடனேயே வடக்குக்கு வருகிறாா் ஜனாதிபதி..!
ஜனாதிபதி கோட்டபாய ராஜபக்ஸ இம்மாத இறுதிக்குள் வடக்கு மாகாணத்திற்கு விஜயம் மேற்கொள்ளவுள்ள நிலையில் மீள்குடியேற்றம், காணாமல் ஆக்கப்பட்டோா் விடயம், குடிநீா் உள்ளிட்ட அடிப்படை பிரச்சினைகள், வேலைவாய்ப்பு உள்ளிட்ட பல்வேறு பிரச்சினைகளுக்கான தீா்வுகளுடனேயே விஜயம் செய்யவுள்ளாராம்.
இம்மாத இறுதிக்குள் வடக்கிற்கு உத்தியோகபூர்வ விஜயமொன்றை மேற்கொள்ளவுள்ளதாக ஜனாதிபதி செய லக ஊடகப் பணிப்பாளர் மொஹான் சமரநாயக்க தெரிவித்தார். வடக்கிற்கு விஜயம் செய்வதற்கு உத்தேசிக் கப்பட்டுள்ள போதிலும் இன்னும் தினம் குறித்து தீர்மானிக்கப்படவில்லை என்றும் அவர் தெரிவித்தார்.
வடக்கிற்கு விஜயம் செய்யவுள்ள ஜனாதிபதி கோத்தாபய ராஜபக்ஷ அரசியல்வாதிகள் மாத்திரமின்றி இளை ஞர்கள், புத்திஜீவிகள் உள்ளிட்ட பலதரப்பட்டவர்களையும் சந்திக்கவுள்ளார். இந்த விஜயத்தின் போது காணி விடுவிப்பு, காணாமல் ஆக்கப்பட்டோர் விவகாரம், மக்களின் அடிப்படை பிரச்சினை, குடிநீர் பிரச்சினை,
வேலை வாய்ப்புக்கள் என்பவற்றோடு வடக்கின் அபிவிருத்தி உள்ளிட்ட மேலும் பல முக்கிய விடயங்கள் தொடர்பிலும் கவனம் செலுத்தப்படவுள்ளது.இவற்றுக்கு மேலதிகமாக விசேடமாக வடக்கில் தமிழ்த் தேசியக் கூட்டமைப்பு உள்ளிட்ட தமிழ் அரசியல் கட்சிகளை சந்திக்கவுள்ளதாகவும் தொிவிக்கப்படுகிறது.
ஜனாதிபதித் தேர்தலின் பின்னர் ஜனாதிபதி கோத்தாபய ராஜபக் ஷ வடக்கிற்கு மேற்கொள்ளவுள்ள முதலா வது விஜயம் என்பதால் முக்கியத்துவம் வாய்ந்ததாக இருக்கும் என்று எதிர்பார்க்கப்படுகிறது.
